លោក វេជ្ជបណ្ឌិត Ghebreyesus និយាយថា វាជាក្តីសង្ឃឹមដ៏ធំធេង ដែលខ្ញុំប្រកាសថា ជំងឺ Covid-19 បានបញ្ចប់គ្រាអាសន្នសុខភាពសកល។

អគ្គនាយកអង្គការសុខភាពពិភពលោក កាលពីថ្ងៃសុក្រ បានប្រកាសថា លោកបញ្ចប់គ្រាអាសន្ន ដែលលោកប្រកាសសម្រាប់ជំងឺ Covid-19 រយៈពេលជាង៣ឆ្នាំកន្លងទៅនេះ ដែលកំណត់នូវព្រឹត្តិការណ៍ដ៏សំខាន់មួយក្នុងជំងឺរាតត្បាត ដែលបានសម្លាប់មនុស្សជាង ៦,៩លាននាក់ បង្អាក់សេដ្ឋកិច្ចពិភពលោក និងបានបំផ្លាញសហគមន៍នានា។

ចំណាត់ការនេះ បានធ្វើឡើង១ថ្ងៃបន្ទាប់ពីគណៈកម្មការគ្រាអាសន្នរបស់អង្គការ សុខភាព​ពិភពលោក បានណែនំាទីភ្នាក់ងារអង្គការសហប្រជាជាតិនេះ ឲ្យប្រកាសបញ្ចប់ចំពោះវិបត្តិជំងឺកូរ៉ូណា។

ប៉ុន្តែប្រមុខអង្គការសុខភាពពិភពលោក បានព្រមានថា ការបញ្ចប់គ្រាអាសន្ននេះ ពុំមែនមានន័យថាជំងឺ Covid ចប់នោះទេ ខណៈជាការគំរាមផ្នែកសុខភាពសកល។

រឿងរ៉ាវអាក្រក់បំផុត ដែលប្រទេសណាមួយអាចធ្វើនៅពេលឥឡូវនេះ គឺត្រូវប្រើប្រាស់ព័ត៌មាននេះ ជាហេតុផល ដើម្បីសូមឲ្យកាត់បន្ថយការការពាររបស់ខ្លួន និងរុះរើប្រព័ន្ធដែលខ្លួនបានបង្កើតឡើង ឬដើម្បីបញ្ជូនសារទៅកាន់ប្រជាជនរបស់ខ្លួនថា​ ជំងឺ Covid-19 គ្មានអ្វីត្រូវបារម្ភពីវាទៀតទេ។

នៅក្នុងតំបន់ជាច្រើននៃពិភពលោក ​ការធ្វើតេស្តបានថយចុះបន្តិចម្តង ហើយប្រជាជន បានបញ្ឈប់ការពាក់ម៉ាស់យ៉ាងទូលំទូលាយ។

ដោយបញ្ចប់គ្រាអាសន្ន អាចមានន័យថា កិច្ចសហការអន្តរជាតិ​ ឬកិច្ចប្រឹងប្រែងផ្តល់មូលនិធិ ក៏បាន​នាំទៅរកការកញ្ចប់​ ឬផ្លាស់ប្តូរការយកចិត្តទុកដាក់របស់ខ្លួន ទោះបីជាមនុស្សជាច្រើនបាន​សម្រប​ខ្លួនរួចរាល់ ខណៈជំងឺរាតត្បាតបានថយចុះក្នុងតំបន់ខុសៗគ្នា។

ដូចជាប្រទេសមួយចំនួន​ផ្សេងទៀតដែរ​ សហរដ្ឋអាមេរិក ​បានចាប់ផ្តើម​ដករដ្ឋចេញពីគ្រាអាសន្ន​ក្នុងស្រុក ​សម្រាប់ជំងឺCovid-19 ដែលមានន័យថា ខ្លួនបញ្ឈប់ការចំណាយប្រាក់សម្រាប់វ៉ាក់សាំង និងការធ្វើតេស្តសម្រាប់មនុស្សជាច្រើន ​និង​ផ្លាស់ប្តូរ​ការទទួលខុសត្រូវ ​ចំពោះទីផ្សារពាណិជ្ជកម្ម។ បន្តមក កាលពីថ្ងៃសុក្រ លោក Biden បាននិយាយនៅក្នុងសេចក្តីថ្លែងការណ៍ថា មន្ត្រីសុខភាព​សាធារណៈសហរដ្ឋអាមេរិក ជាន់ខ្ពស់ម្នាក់ លោកស្រី Rochelle Walensky នឹងលាលែង​ពីតំណែង​នៅចុងខែមិថុនាពីតួនាទីរបស់លោកស្រី ​ជានាយក​មជ្ឈមណ្ឌល​គ្រប់គ្រង និងបង្ការជំងឺ (CDC)។