បាល់ទាត់៖ ក្លិបបាល់ទាត់តំណាងខេត្តប៉ៃលិនសូហ្វីយ៉ា រំពឹងបានលេងក្នុងទឹកដីរបស់ខ្លួនក្នុងវគ្គ ១៦ក្រុមចុងក្រោយពានរង្វាន់សម្ដេចអគ្គមហាសេនាបតីតេជោ ហ៊ុន សែន ២០២១ បន្ទាប់ពីស្មៅទីលានបាល់ទាត់កីឡដ្ឋានខេត្តនៅភ្នំចេកដុះល្អ និងសាលាតម្រង់ទិសធ្វើរួចរាល់ ក្រោយលេង ៦ប្រកួតក្រៅដី។
លោក ហង់ សុប៉ាលីយ៉ា អ្នកចាត់ការក្លិបសូហ្វីយ៉ាប៉ៃលិនបានប្រាប់ឱ្យដឹងថា ពេលនេះស្មៅនៅទីលានបាល់ទាត់នៃកីឡដ្ឋានខេត្តដុះល្អ ហើយយើងអាចលេងលើទីលានរបស់យើងបានក្នុងវគ្គ ១៦ក្រុមចុងក្រោយ។ ដោយបញ្ចប់ ៦ប្រកួតក្នុងពូល “ខ” ក្លិបបាល់ទាត់ខេត្តប៉ៃលិននេះយកទឹកដីគូប្រកួតធ្វើជាកន្លែងប្រកួតទាំងអស់។ គិតពិន្ទុបណ្ដោះអាសន្ន សូហ្វីយ៉ាប៉ៃលិនមាន ១១ពិន្ទុឈរកំពូលឡើងទៅវគ្គបន្ត, បន្ទាយមានជ័យនៅលេខ២ មាន ១០ពិន្ទុស្មើក្រុមលេខ៣ បាត់ដំបង។ ចំណែកពោធិ៍សាត់មិនទាន់មានពិន្ទុនៅឡើយ។ សម្រាប់បាត់ដំបងនៅមានឱកាសទៅកាន់វគ្គ ១៦ក្រុមជាបន្ត ប្រសិនបើជាប់ក្នុងចំណោមក្រុមលេខ៣ ល្អទាំង៤៕
អត្ថបទ៖ គង់ ហួន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
