ទួរគី ៖ ក្ខភាពប្រធានាធិបតីរបស់បក្សប្រឆាំងដ៏សំខាន់ទួរគី លោក Kemal Kilicdaroglu បានធ្វើការប្រមូលផ្តុំសម្រាប់​ការបោះឆ្នោតដែល​មានមនុស្សច្រើនបំផុតក្នុងទីក្រុងអ៊ីស្តង់ប៊ុល កាលពីថ្ងៃសៅរ៍ (៦ ឧសភា)។

សម្ព័ន្ធភាពនៃគណបក្សប្រឆាំងចំនួនប្រាំមួយបានតែងតាំងអតីតមន្ត្រីរដ្ឋការដែលមានភាពស្មោះត្រង់ និងពេលខ្លះមានចរិតឆេវឆាវ ជាបេក្ខជនរបស់ខ្លួនដើម្បីទទួលតំណែងបន្តពីលោកប្រធានាធិបតី Erdogan ក្នុងការបោះឆ្នោតថ្ងៃទី១៤ ខែឧសភា ដែលត្រូវបានគេ​មើល​ឃើញថាប្រហែលជាមានផលវិបាកបំផុតនៅក្នុងប្រវត្តិសាស្ត្រទំនើបរបស់ប្រទេសនេះ។

ការស្ទង់មតិជាទូទៅបង្ហាញថាលោក Kilicdaroglu អាយុ ៧៤ ឆ្នាំមានពិន្ទុនាំមុខដល់កម្រិតមួយ​ដែលនឹងអាចឈ្នះ​នៅក្នុងការ​បោះឆ្នោត​ជុំទីពីរ បន្ទាប់ពីយុទ្ធនាការរួមបញ្ចូលមួយដោយសន្យា​រកដំណោះស្រាយវិបត្តិ​នៃការចំណាយ​លើជីវភាពប្រចាំថ្ងៃ ដែលបានធ្វើឲ្យថយចុះដល់ប្រជាប្រិយភាពរបស់លោកប្រធានាធិបតីក្នុងរយៈពេលប៉ុន្មានឆ្នាំថ្មីៗនេះ។

លោកបានសន្យាថានឹងវិលត្រឡប់ទៅរកគោលនយោបាយសេដ្ឋកិច្ចដោះស្រាយតាមស្ថានភាពជាក់ស្តែងនិងប្រព័ន្ធរដ្ឋាភិបាលសភា ព្រមទាំងឯករាជ្យភាពសម្រាប់ប្រព័ន្ធតុលាការ ដែលក្រុមអ្នករិះគន់និយាយថា លោក Erdogan បានប្រើប្រព័ន្ធតុលាការនេះ​ដើម្បីបង្រ្កាបក្រុមប្រឆាំង និងធ្វើអោយទំនាក់ទំនងកាន់តែរលូនជាមួយលោកខាងលិច៕