អុីរ៉ង់ ៖ កាលពីថ្ងៃសៅរ៍ (៦ ឧសភា) អ៊ីរ៉ង់បានកាត់ទោសប្រហារជីវិតអ្នកប្រឆាំងជនជាតិស៊ុយអែតសញ្ជាតិអ៊ីរ៉ង់ម្នាក់

ពីបទដឹកនាំក្រុមអ្នកគាំទ្រចលនាផ្តាច់ខ្លួនអារ៉ាប់ ដែលត្រូវបានចោទប្រកាន់ពីការវាយប្រហារនានា រួមទាំងការវាយ

ប្រហារទៅលើក្បួនព្យុហយាត្រាយោធាក្នុងឆ្នាំ ២០១៨ ដែលបានសម្លាប់មនុស្សចំនួន ២៥ នាក់។

នៅក្នុងសេចក្តីថ្លែងការណ៍ដែលប្រកាសពីការប្រហារជីវិត តុលាការបានចោទប្រកាន់ទីភ្នាក់ងារ​សន្តិសុខនៃ​ប្រទេស​ស៊ុយអែត អ៊ីស្រាអែល និងបណ្តាប្រទេសក្នុងតំបន់ថាបានគាំទ្រលោក Chaab និងក្រុមរបស់គេដោយ​និយាយថាក្រុម​នេះ​បានសម្លាប់ឬធ្វើអោយមានរបួសដល់ជនជាតិអ៊ីរ៉ង់ចំនួន ៤៥០ នាក់ក្នុងរយៈពេលជាច្រើនឆ្នាំ។

ប្រទេសស៊ុយអែតបានសម្តែងការព្រួយបារម្ភចំពោះករណីរបស់លោក Chaab ហើយទំនាក់ទំនង​ជាមួយអ៊ីរ៉ង់ក៏​បានធ្លាក់ចុះដុនដាបខ្លាំងផងដែរ ជុំវិញការកាត់ទោសឱ្យជាប់ពន្ធនាគារអស់មួយជីវិតរបស់​តុលាការស៊ុយអែត​លើអតីតមន្ត្រីអ៊ីរ៉ង់ម្នាក់ក្នុងការជាប់ពាក់ព័ន្ធករណីប្រហារជីវិតអ្នកទោសនយោបាយយ៉ាង​ច្រើននៅក្នុងឆ្នាំ ១៩៨៨ នៅសាធារណរដ្ឋអ៊ីស្លាមមួយនេះ។

អ៊ីរ៉ង់មានទំនាក់ទំនងតានតឹងជាមួយបណ្ដាជនជាតិភាគតិចរបស់ខ្លួន ដែលរួមមានជនជាតិអារ៉ាប់ ឃឺដ អាហ្សេរីស និងបាលូច ហើយបានចោទប្រកាន់ពួកគេពីបទភ្ជាប់ទំនាក់ទំនងជាមួយបណ្ដាប្រទេសជិតខាង៕