ក្នុងរយៈពេលមិនដល់១សប្តាហ៍ គោលនយោបាយមួយ ដែលបានអនុញ្ញាតឲ្យមន្ត្រីសហរដ្ឋអាមេរិកបដិសេធជនអន្តោប្រវេសន៍មិនឲ្យចូលមកនៅព្រំដែននឹងផុតកំណត់ ជាការបើកច្រកទ្វារដ៏ធំចំពោះជនអន្តោប្រវេសន៍ដែលគ្មានឯកសារលិខិតស្នាម។

ចំនួនប្រជាជនជាច្រើនដែលឆ្លងកាត់ព្រំដែនភាគខាងត្បូង កំពុងកើនឡើងរួចហើយ ហើយមនុស្សរាប់ពាន់នាក់កំពុងតម្រង់ជួរឆ្លងកាត់ទន្លេ Rio Grande River នៅក្នុងប្រទេសម៉ិចស៊ីក ជាការលេចឡើងភាពចលាចល។

យោងតាមលោក Alejandro Mayorkas រដ្ឋមន្ត្រីសន្តិសុខក្រសួងមហាផ្ទៃ បានឲ្យដឹងថា សហរដ្ឋអាមេរិក និងសម្រេចចុងក្រោយក្នុងពេលឆាប់ៗ នូវច្បាប់ថ្មី នៅត្រឹមថ្ងៃទី១១ ខែ ឧសភា ដើម្បីបដិសេធការសុំសិទ្ធជ្រកកោនចំពោះជនអន្តោប្រវេសន៍ ដែលត្រូវបាចាប់ខ្លួនកំពុងឆ្លងកាត់​ព្រំដែនអាមេរិក-ម៉ិចស៊ីកដោយខុសច្បាប់។

នៅថ្ងៃទី១១ ខែឧសភា គឺជាថ្ងៃ ដកចេញទាំងស្រុងវិធានការរឹត្បិតជំងឺ Covid-19 នៅព្រំដែន ដែលគេស្គាល់ថា ជាមាត្រា៤២ ដែលត្រូវបានកំណត់ពេលបញ្ចប់។

លោក Mayorkas និយាយថា ព្រំដែននៅពុំទាន់បើកនោះទេ។ លោកនិយាយថា ច្បាប់ថ្មី គឺជាផ្នែក​សំខាន់​នៃផែនការរបស់លោកប្រធានាធិបតី Joe Biden ដើម្បីដោះស្រាយការកើនឡើង​ដែលត្រូវ​បានរំពឹងទុក ក្នុងការធ្វើអន្តោប្រវេសន៍ដោយខុសច្បាប់​ បន្ទាប់ពីការលុបចោលនៃមាត្រាទី៤២ ដែលត្រូវបានអនុវត្តដោយរដ្ឋបាលរបស់លោក Trump ​នៅពេលចាប់ផ្តើមដំបូងនៃជំងឺរាតត្បាត និងបានអនុញ្ញាតឲ្យភ្នាក់ងារព្រំដែន ​បណ្តេញចេញភ្លាមៗនូវជនអន្តោប្រវេសន៍ជាច្រើន ទៅកាន់ប្រទេសម៉ិចស៊ីក។