បាងកក៖ ដោយធ្វើដំណើរតាមដងផ្លូវដ៏ក្តៅ និងពោរពេញដោយធូលីក្នុងទីក្រុងបាងកក ក្រុមបេក្ខជនគិតគូរពីបរិស្ថាន ខំប្រឹងតស៊ូដើម្បីរកសំឡេងគាំទ្រនៅមុនការបោះឆ្នោតរបស់ប្រទេសថៃ ដែលក្នុងនោះ កង្វក់ខ្យល់អាកាសដែលមានកម្រិតខ្ពស់ ពុំអាចធ្វើអ្វីបានក្រៅតែពីការសន្យាក្នុងកម្រិតនយោបាយដែលពុំមានលទ្ធផលនោះឡើយ។
ក្នុងរយៈពេលបីខែកន្លងមកនេះ ស្ទើរតែទូទាំងព្រះរាជាណាចក្រនេះ បាននិងកំពុងស្ថិតក្នុងភាពអួអាប់ នៃកង្វក់បរិយាកាសដ៏គ្រោះថ្នាក់ ដោយផ្សែងពីភ្លើងឆេះព្រៃ រួមទាំងការដុតកម្ទេចកម្ទីដើមដំណាំរបស់កសិករ បានធ្វើឲ្យបរិយាកាសអាប់អួនៅជើងឈៀងម៉ៃភាគខាងជើង ហើយផ្សែងអ័ព្ទដ៏គ្រោះថ្នាក់បានសាយភាយពាសពេញរាជធានី។
ទោះបីជាតំបន់នេះប្រឈមមុខនឹងរលកកំដៅខ្ពស់បំផុតនាពេលថ្មីៗនេះ និងការជន់លិចកាន់តែអាក្រក់ទៅៗដោយសារមួយផ្នែកព្រោះតែកំណើននីវ៉ូទឹកសមុទ្រក៏ដោយ ក៏ចលនាបៃតងទាក់ទាញសំឡេងឆ្នោតតិចតួចប៉ុណ្ណោះពីបណ្ដាប្រជាជនថៃ។
ទីក្រុងឈៀងម៉ៃភាគខាងជើង ដែលពោរពេញទៅដោយក្រុមអ្នកទេសចរបែបពនេចរជាយូរមកហើយ បានទទួលនូវកេរ្តិ៍ឈ្មោះដ៏អាក្រក់ជាអន្តរជាតិ ចំពោះគុណភាពខ្យល់មិនល្អ ដោយបានជាប់ឈ្មោះក្នុងបញ្ជីទីក្រុងដែលមានការបំពុលបរិកាសច្រើនបំផុត លើសតំបន់ដែលមានអាកាសធាតុក្តៅខ្លាំងដូចជាទីក្រុងប៉េកាំង និងដេលី៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
