​មន្ត្រី​អ៊ុយ​ក្រែ​ន​មួយរូបនិយាយថា រុស្ស៊ីបាន​បង្ក​ភាព​ស្លន់ស្លោ​យ៉ាងខ្លាំងពេលដែល​ពួកគេ​ជម្លៀស​ខ្លួន​មនុស្ស​ចេញពី​ទីក្រុង​ជិត​រោងចក្រ​ថាមពលនុយក្លេអ៊ែរ Zaporizhzhia។

​រុស្ស៊ី​បាន​និយាយប្រាប់​ប្រជាពលរដ្ឋ​ឲ្យ​ចាក​ចេញពី​ទីតាំង​លំនៅ ១៨​កន្លែង​ នៅក្នុង​តំបន់ Zaporizhzhia ដែល​រួមទាំង​ទីក្រុង Enerhodar នៅ​ជិត​រោងចក្រ Zaporizhzhia មុន​ការ​វាយបក​តាម​ការព្យាករណ៍​របស់​ទីក្រុង​គី​វ។

​លោក Ivan Fedorov គឺជា​អភិបាលក្រុង Melitopol របស់​អ៊ុយ​ក្រែ​ន​និយាយថា​ មានការ​រង់ចាំ​រយៈពេល ​៤​ម៉ោង មុនពេល​រថយន្ត​រាប់ពាន់​គ្រឿង​ចាកចេញ។

​ក្រុម​ឃ្លាំមើល​នុយក្លេអ៊ែរ​អង្គការសហប្រជាជាតិ​(UN) បាន​ព្រមាន​ថា ឧបទ្ទវហេតុ​នុយក្លេអ៊ែរ​ធ្ងន់ធ្ងរ អាច​នឹង​កើតឡើង។

​លោក Rafael Grossi គឺជា​ប្រធាន​ទីភ្នាក់ងារ​ថាមពល​អា​តូ​មិ​ក​អន្តរជាតិ​ (IAEA)​និយាយប្រាប់ BBC​ថា ការជម្លៀស​ខ្លួន​ប្រជាពលរដ្ឋ​នៅ​ជិត​រោងចក្រ​ថាមពលនុយក្លេអ៊ែរ Zaporizhzhia ជា​សញ្ញា​មួយ​បញ្ជាក់​យ៉ាងច្បាស់​ពី​ការប្រយុទ្ធ​គ្នា​ទ្រង់ទ្រាយ​ធំ​រវាង​កងកម្លាំង​រុស្ស៊ី និង​កងកម្លាំង​អ៊ុយ​ក្រែ​ន​នៅ​ជុំវិញ​រោងចក្រ។

​លោក​ថា ថ្វីត្បិតតែ​ម៉ាស៊ីន​រ៉េ​អា​ក់ទ័រ​រោងចក្រ ពុំ​ផលិត​អគ្គិសនី​ក៏ដោយ ក៏​វា​នៅ​ផ្ទុក​ដោយសារ​ធាតុ​នុយក្លេអ៊ែរ​ដែរ។

​លោក Grossi បន្តថា លោក​ធ្លាប់​ធ្វើដំណើរ​ឆ្លងកាត់​ចម្ការមីន ពេលដែល​លោក​បំពេញ​ទស្សនកិច្ច​ទៅកាន់​រោងចក្រ​ថាមពលនុយក្លេអ៊ែរ Zaporizhzhia កាលពី​រយៈពេល​ប៉ុន្មាន​សប្តាហ៍​មុន៕​