ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងជាប្រធានគណបក្សប្រជាជនកម្ពុជា នៅរសៀលថ្ងៃទី០៨ ខែឧសភា ឆ្នាំ ២០២៣នេះ បានស្វាគមន៍ លោក ម៉ៃ ហុងស្រៀង និងលោក អ៊ុ សោភ័ណ មកពីខេត្តព្រះសីហនុ និងលោក ឌឹម សារឿន និងលោក ឡី សុខុន មក ខេត្តបាត់ដំបងដែលលោកទាំង ០៤នាក់ សុទ្ធតែជាថ្នាក់ដឹកនាំបក្សប្រឆាំងនៅក្នុងខេត្តព្រះសីហនុ និងខេត្តបាត់ដំបង បានបែរមកចូលរួមជីវភាពនយោបាយជាមួយគណបក្សប្រជាជនវិញ ដែលនេះជាការផ្ដល់ភាពយុត្តិធម៌ដល់គណបក្សប្រជាជនកម្ពុជា។
សម្ដេចតេជោថ្លែងថា «ដំបូងខ្ញុំស្វាគមន៍លោក ម៉ៃ ហុងស្រៀង និង លោក អ៊ុ សោភ័ណ មកពីខេត្តព្រះសីហនុ។ លោក ឌឹម សារឿន និងលោក ឡី សុខុន មក ខេត្តបាត់ដំបងដែលលោកទាំង ០៤នាក់ សុទ្ធតែជាថ្នាក់ដឹកនាំបក្សប្រឆាំងនៅក្នុងខេត្តព្រះសីហនុ និងខេត្តបាត់ដំបង ដែលពេលនេះសុំមកចូលរួមជីវភាពនយោបាយ ជាមួយគណបក្សប្រជាជន។
សម្ដេចតេជោ បានអរគុណដែលអស់លោកទាំង៤ បានផ្តល់យុត្តិធម៌ជូនគណបក្សប្រជាជន និងបានវាយតម្លៃភាពអយុត្តិធម៌ក្នុងបក្សប្រឆាំង ដែលមានក្នុងវីដេអូនេះស្រាប់។
សម្ដេចណែនាំដល់ គណៈកម្មាធិការបក្សខេត្តបាត់ដំបង និងខេត្តព្រះសីហនុរៀបចំបែបបទបញ្ចូលអស់លោកទាំង ០៤នាក់ស្រមតាមនិតិវិធីរបស់គណបក្សប្រជាជនកម្ពុជា៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
