ភ្លាមៗបន្ទាប់ពីការប្រយុទ្ធគ្នា បានផ្ទុះឡើងនៅប្រទេសស៊ូដង់ រយៈពេលជិត១ខែមកនេះ មនុស្សរាប់ពាន់នាក់សម្រុកចូលប្រទេសស៊ូដង់ខាងត្បូងភាគខាងជើង ដើម្បីគេចចេញពីជម្លោះ។ នាង Lina Mijok ជាជនភៀសខ្លួនម្នាក់ស្ថិតក្នុងចំណោមប្រជាជនទាំងនេះ។ កន្លែងចុងក្រោយ ដែលនាង Lina Mijok ចង់ទៅខណៈនាងគេចខ្លួនចេញពីជម្លោះក្នុងប្រទេសស៊ូដង់ គឺត្រលប់ទៅប្រទេសរបស់នាងវិញស៊ូដង់ខាងត្បូង ដែលនាងបានចាកចេញ ខណៈសង្គ្រាមស៊ីវិលបានផ្ទុះឡើងក្នុងឆ្នាំ២០១៣។
ប៉ុន្តែនៅពេលកងទ័ពស៊ូដង់ ចាប់ផ្តើមប្រយុទ្ធជាមួយកងកម្លាំងគាំទ្ររហ័សយោធាប៉ារ៉ា នៅលើដងផ្លូវនានា នៅជុំវិញលំនៅឋានរបស់នាងកាលពីខែមុន ប្រទេសស៊ូដង់ខាងត្បូង គឺជាកន្លែងតែមួយគត់ ដែលនាងនិងកូនតូចៗ ២នាក់របស់នាង អាចទៅដល់។ ស្ត្រីអាយុ២៦ឆ្នាំរូបនេះ និយាយថា ប្រសិនបើខ្ញុំមានឱកាស ខ្ញុំនឹងមិនត្រឡប់មកប្រទេស៊ូដង់សាងត្បូងវិញនោះទេ។ ខ្ញុំនឹងទៅកន្លែងណាមួយ ប៉ុន្តែគ្មានផ្លូវត្រូវទៅនោះទេ។
ប្តីរបស់នាង ត្រូវតែនៅទីនេះ ខណៈពួកគេគ្មានលុយគ្រប់គ្រាន់ដើម្បីចំណាយសម្រាប់ការជិះរថយន្តដឹកទំនិញ និងរថយន្តក្រុង ដែលដឹក នាង Mijok និងកូនប្រុសស្រីរបស់ពួកគេ ទៅកាន់ព្រំដែន។ ពេលនេះពួកគេស្ថិតក្នុងចំណោមមនុស្សរាប់ពាន់នាក់ ស្នាក់នៅខាងក្រៅជំរំនៅតំបន់ Renk County ប្រទេសស៊ូដង់ខាងត្បូង នៅក្នុងបរិវេណសាកលវិទ្យាល័យដែលចាស់ទ្រុឌទ្រោម ជាអគារដែលមានស្នាមគ្រាប់កាំភ្លើងពីការប្រយុទ្ធគ្នា កាលពី១ទសវត្សរ៍កន្លងទៅនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
