នៅ​ថ្ងៃ​ចន្ទ (៨ ឧសភា​) នេះ ប្រធានាធិបតី​បារាំង​លោក Emmanuel Macron បាន​ប្រារព្ធ​ខួប​លើក​ទី ៧៨ នៃ​ជ័យជម្នះ​របស់​សម្ព័ន្ធមិត្ត​លើ​ពួក​ណា​ស៊ី​អាល្លឺម៉ង់ និង​ការបញ្ចប់​សង្គ្រាមលោកលើកទី​ពីរ​នៅ​អឺរ៉ុប ។​

​លោក Macron បានដាក់​កម្រងផ្កា និង​អុជ​ភ្លើង​ឡើងវិញ​នៅមុខ​ផ្នូរ​របស់​ទាហាន​មិន​ស្គាល់​អត្តសញ្ញាណ នៅ​វិមាន Arc de Triomphe មុនពេល​ស្វាគមន៍​អតីតយុទ្ធជន​ក្នុងសម័យ​សង្គ្រាម​។ លោក​ក៏បាន​ទៅ​គោរព​រូបសំណាក​មេដឹកនាំ​សង្គ្រាម​របស់​ប្រទេស​បារាំង ឧ​ត្ត​ម​សេនីយ៍ Charles de Gaulle នៅ​វិមាន Champs Elysee ផងដែរ​។​

​ទិវា​ជ័យជម្នះ​របស់​អឺរ៉ុប ឬ​ទិវា VE Day គឺ​តំណាង​ឲ្យ​ការបញ្ចប់​សង្គ្រាម​នៅ​អឺរ៉ុប​ក្នុង​ឆ្នាំ ១៩៤៥ ទោះបីជា​ការប្រយុទ្ធប្រឆាំង​នឹង​សម្ព័ន្ធមិត្ត​អាក់​ស៊ី​ស​ជប៉ុន​បាន​បន្ត​នៅ​អាស៊ី​រហូតដល់​ខែសីហា​ក៏ដោយ​។​

​ការសម្រេចចិត្ត​របស់​លោក Macron ក្នុងការ​បង្កើន​អាយុ​ចូលនិវត្តន៍​រយៈពេល​២​ឆ្នាំ​ដល់​អាយុ​៦៤​ឆ្នាំ បាន​បង្កឱ្យមាន​ការតវ៉ា និង​កូដកម្ម​ជាច្រើន​សប្តាហ៍ រួមទាំង​ការមិនសប្បាយចិត្ត​នឹង​ការប្រមូលផ្ដុំ​ដើម្បី​ប្រឆាំងនឹង​ប្រធានាធិបតី ដែល​មនុស្ស​ជាច្រើន​នៅក្នុង​ប្រទេស​បារាំង​បាន​យល់ឃើញថា លោក​មិន​យល់​ពី​អ្នកដទៃ និង​ព្រងើយកន្តើយ​ចំពោះ​ភាពលំបាក​ប្រចាំថ្ងៃ​របស់​ពួកគេ​៕​