​បាល់ទាត់​៖ ​ក្រុម​កាំភ្លើង​ធំ Arsenal នឹងត្រូវ​ជួប Villarreal រាត្រី​នេះ​នៅ​ទឹកដី Emirate ជើង​ទី២ វគ្គ​ពាក់កណ្តាល​ផ្តាច់ព្រ័ត្រ UEFA Europa League​។ ​បន្ទាប់ពី​ចាញ់​ជើង​ទី១ នៅ​ទឹកដី​អេ​ស្ប៉ា​ញ ២-១ Arsenal យប់​នេះ​នឹង​អាច​ឡើង​វគ្គ​ផ្តាច់ព្រ័ត្រ​ប្រសិន​ឈ្នះ ១-០​។​

​​Arsenal កំពុងស្ថិត​ក្នុងការ​ពិភាក្សា​រឿង​ផ្លាស់ប្តូរ​ប្រធាន​ក្លិប​ ដោយ​ប្រធាន​ក្រុមហ៊ុន Sportify លោក Daniel Ek ត្រៀម​ទិញ​ភាគហ៊ុន​ធំ Arsenal យកមក​គ្រប់គ្រង​ពី​ម្ចាស់​ក្លិប​បច្ចុប្បន្ន​គ្រួសារ​ត្រកូល Kroenke​។​ ​មិន​ខុសពី Manchester United ឡើយ​អ្នកគាំទ្រ Arsenal មិន​ពេញចិត្ត​ចំពោះ​ការវិនិយោគ​របស់​ម្ចាស់​ក្លិប​បច្ចុប្បន្នឡើយ​ ជាពិសេស​ចុងក្រោយ​ដែល Arsenal ពាក់ព័ន្ធ​ជាមួយ​ការបង្កើតពាន European Super League​។​ ​ជុំវិញ​រឿងនេះ​អ្នកចាត់ការ Arsenal បានស្នើ​សុំឲ្យ​កីឡាករ​ទាំងអស់​ ផ្តោតអារម្មណ៍​លើក​ការប្រកួត​ចំពោះមុខ ជាជាង​គិតពី​រឿង​ថ្នាក់លើ​។

​​Arsenal កំពុង​សំឡឹង​ឃើញ​ការ​ឈានឡើង​វគ្គ​ផ្តាច់ព្រ័ត្រ​លើក​ទី២ ក្នុង​រយៈពេល ៣រដូវ​កាល​ចុងក្រោយ ពោលគឺ​រដូវ​កាល ២០១៨-១៩ Arsenal បាន​ឡើង​វគ្គ​ផ្តាច់ព្រ័ត្រ​តែ​ចាញ់ Sevilla ខណៈពេល Arsenal ក្រោម​ការដឹកនាំ​របស់​លោក Una Emery ដែល​បច្ចុប្បន្ន​ដឹកនាំ Villarreal​។​ ​ប្រសិន Arsenal មិន​ឈ្នះ​ពាន Europa League រដូវ​កាល​នេះ​ទេ Arsenal នឹង​អវត្តមាន​ពី​ក្របខណ្ឌ​អឺរ៉ុប​ទាំង២ ជា​លើកដំបូង​ក្នុង​រយៈពេល ២៥ឆ្នាំ​៕

​អត្ថបទ​៖​នាង សុភា​វុ​ធ