អ្នកជំងឺរាប់រយនាក់មកពីតំបន់ដាច់ស្រយាលរបស់ប្រទេសឥណ្ឌា បានចំណាយពេល១យប់ ដេកនៅលើផ្លូវថ្មើរជើងតូចនៅខាងក្រៅមន្ទីរពេទ្យដ៏ល្បីឈ្មោះមួយនៅក្នុងរដ្ឋធានីរបស់ប្រទេសនេះ ដោយក្តីសង្ឃឹមថានឹងទទួលបានការព្យាបាល។
លោក Mithilesh Chaudhary ដែលបានធ្វើដំណើរប្រមាណ១.២០០ គីឡូម៉ែត្រតាមរថភ្លើងពីស្រុកកំណើតរបស់ខ្លួន នៅរដ្ឋ Bihar ភាគខាងកើត គឺជាមនុស្សម្នាក់ក្នុងចំណោមអ្នកទាំងឡាយដែលសុខចិត្តចំណាយពេលច្រើនសប្តាហ៍រង់ចាំនៅខាងក្រៅមន្ទីរពេទ្យវិទ្យាស្ថានវិទ្យាសាស្ត្រសុខាភិបាលឥណ្ឌា នៅក្នុងទីក្រុងញូវឌេលី។
លោក Chaudhary ត្រូវបានរួមដំណើរទៅកាន់រដ្ឋធានីដោយជីតារបស់លោក បន្ទាប់ពីវិជ្ជបណ្ឌិត នៅក្នុងស្រុកកំណើតរបស់លោក មិនអាចផ្តល់ការព្យាបាលឲ្យសមរម្យ និងការវិភាគរោគវិនិច្ឆ័យសម្រាប់ជំងឺស្ទះផ្លូវដង្ហើមរបស់លោក។
ក្រោមរដ្ឋបាលនាយករដ្ឋមន្ត្រី លោក Narendra Modi អគារវិទ្យាស្ថានវិទ្យាសាស្ត្រសុខាភិបាលឥណ្ឌារាប់សិបខ្នង ត្រូវបានសាងសង់កាលពី១ទសវត្សរ៍ចុងក្រោយនេះដើម្បីធ្វើឲ្យប្រសើរឡើងគុណភាពការថែទាំសុខភាពនៅជុំវិញប្រទេស និងកាត់បន្ថយបន្ទុកលើមន្ទីរពេទ្យដែលមានអាយុកាលចំណាស់ ដូចជាមន្ទីរពេទ្យវិទ្យាស្ថានវិទ្យាសាស្ត្រសុខាភិបាលឥណ្ឌា ក្នុងទីក្រុងញូវឌេលី ដែលត្រូវបានបង្កើតឡើងក្នុងឆ្នាំ១៩៥៦។
មន្ត្រីក្រសួងសុខាភិបាល បានប្រាប់សារព័ត៌មានរ៉យទ័រថា ប៉ុន្តែទិន្នន័យរដ្ឋាភិបាល បានបង្ហាញថាមានការខ្វះខាតខ្លាំងនូវក្រុមវេជ្ជបណ្ឌិតនៅមន្ទីរពេទ្យវិទ្យាស្ថានវិទ្យាសាស្ត្រសុខាភិបាលឥណ្ឌា ព្រមទាំងមន្ទីរពេទ្យរដ្ឋផ្សេងទៀតនៅទូទាំងប្រទេស ជារឿងមួយដែលរដ្ឋាភិបាលបានដឹង ហើយកំពុងធ្វើការងារដើម្បីដោះស្រាយ។
ទីប្រឹក្សាបច្ចេកទេសនៅបណ្តាញការងារធនធានសុខាភិបាលសាធារណៈឥណ្ឌា លោក Dr Vandana Prasad បានិយាយថា មានកិច្ចប្រឹងប្រែងដ៏សកម្មដើម្បីបង្កើនចំនួនវេជ្ជបណ្ឌិតក្នុងប្រព័ន្ធ សុខាភិបាលសាធារណៈ នៅទូទាំងប្រទេស ប៉ុន្តែការដាក់បញ្ចូលថ្មី ព្រមទាំងការរក្សាទុកបុគ្គលិកនៅតែទន់ខ្សោយ ទោះបីជាមានការផ្តល់ប្រាក់បៀវត្សរ៍ខ្ពស់ជាងនេះក៏ដោយ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
