អតីតនាយករដ្ឋមន្ត្រីប៉ាគីស្ថាន លោក Imran Khan បានបង្ហាញខ្លួន នៅតុលាការដើម្បីឆ្លើយតបចំពោះបទចោទប្រកាន់អំពើពុករលួយ មួយថ្ងៃបន្ទាប់ពីលោកត្រូវបានចាប់ខ្លួនដោយក្រុមយោធាប៉ារ៉ា ដែលបង្កឲ្យមានការប៉ះទង្គិចគ្នារហូតដល់មានមនុស្សស្លាប់។

ការចោទប្រកាន់ទាក់ទងទៅនឹងការលក់អំណោយ ដែលត្រូវបានបញ្ជូនមកឲ្យលោកដោយមេដឹកនាំ​បរទេស ខណៈលោកនៅក្នុងដំណែង។ មេធាវីរបស់លោក បានប្រាប់សារព័ត៌មាន CNN ថា លោក Khan បានច្រានចោលការចោទប្រកាន់នេះ។

មេធាវីរបស់លោក និយាយថា លោក Khan បានចោទថា លោកត្រូវបានគេធ្វើទារុណកម្ម និងវាយ​ដំរាល់​យប់ ខណៈនៅក្នុងការឃុំខ្លួន ហើយអតីតមេដឹកនាំរូបនេះមានស្នាមជាំនៅ​លើក្បាលរបស់គាត់ នៅពេលលោកKhan បានជួបលោកនៅសវនាការតុលាការ។

លោក Khan ត្រូវបានចាប់ខ្លួនកាលពីថ្ងៃអង្គារ ក្នុងករណីអំពើហិង្សាមួយផ្សេងទៀត ដែលលោកត្រូវបានចោទប្រកាន់ការទទួលយកដីដោយខុសច្បាប់ និងសាងសង់សាកលវិទ្យាល័យ​មួយ។

មេធាវីរបស់លោក បានប្រាប់សារព័ត៌មាន CNN ថា លោក Khan ត្រូវបានឃុំខ្លួនតាមជាក់ស្តែង​រយៈពេល៨ថ្ងៃ បន្ទាប់ពីសវនាការតុលាការ សម្រាប់បទចោទប្រកាន់ដែលត្រូវបាន​ធ្វើឡើង​កាលពីថ្ងៃអង្គារ។

ការចាប់ខ្លួនលោក បានបន្ថែមកម្តៅដល់ការប្រឈមដាក់គ្នាដ៏តានតឹងរួចទៅហើយរវាង​យោធាដ៏មានអំណាចរបស់ប្រទេសនេះ និងក្រុមអ្នកគាំទ្ររបស់លោក​ ដែលបានចេញធ្វើបាតុកម្ម និងបង្កឲ្យមានហេតុការណ៍ពុំធ្លាប់មានពីមុនមក ខណៈហ្វូងមនុស្សមានកំហឹងសម្រុកចូល និងបំផ្លាញទ្រព្យសម្បត្តិនៅក្នុងគេហដ្ឋាននានារបស់បុគ្គលិកយោធា។