សមាជិកសភាមកពីគណបក្សសាធារណរដ្ឋដែលរួបរឹតដោយរឿងអាស្រូវលោក George Santos បានផ្តល់ចម្លើយពីភាពគ្មានទោសចំពោះការចោទប្រកាន់របស់សហព័ន្ធរហូតជាងដប់ករណី រួមទាំងការក្លែងបន្លំ និងការសម្អាតប្រាក់។ សមាជិកសភាវ័យ ៣៤ ឆ្នាំរូបនេះ ត្រូវបានចោទប្រកាន់ពីបទប្រើប្រាស់មូលនិធិខុសគោលដៅ ដោយកុហកសភាអំពីប្រាក់ចំណូលរបស់ខ្លួន និងទទួលបានអត្ថប្រយោជន៍ពីភាពគ្មានការងារធ្វើដោយខុសច្បាប់។

នៅក្រៅតុលាការក្រុងញូវយ៉ក លោកបានហៅការស៊ើបអង្កេតនេះថាជា "ការព្យាយាមទម្លាក់កំហុសដ៏អាក្រក់បំផុត"។ តាំងពីលោកចូលកាន់តំណែងជាលើកដំបូងកាលខែមករាមក មានរឿងលេចឡើងថា ជីវប្រវត្តិរបស់លោកភាគច្រើនត្រូវបានប្រឌិត។ ប្រសិនបើលោកត្រូវកាត់ជាប់ទោសពីបទចោទប្រកាន់ធំៗ តំណាងរាស្ត្រក្រុងញូវយ៉ករូបនេះ អាចប្រឈមនឹងការជាប់ពន្ធនាគាររហូតដល់ ២០ឆ្នាំ។

នៅខាងក្រៅតុលាការសហព័ន្ធនៅកោះ Long Island កាលពីរសៀលថ្ងៃពុធ សមាជិកសភាដ៏រឹងរូសលោក Santos បាននិយាយថាលោកនឹងមិនលាលែងពីតំណែងឡើយ ហើយបានប្តេជ្ញាថានឹង "បន្តតតាំង" សម្រាប់តំបន់របស់ខ្លួន។

លោកនឹងត្រូវជាប់បម្រាបមិនឲ្យទៅកាន់រដ្ឋកំណើតរបស់ខ្លួនគឺរដ្ឋញូវយ៉ក វ៉ាស៊ីនតោនឌីស៊ី និងតំបន់ផ្សេងៗនៅចន្លោះនោះ ហើយការធ្វើដំណើរផ្សេងទៀតរបស់លោក ត្រូវតែទទួលការអនុញ្ញាតជាមុនផងដែរ៕