ភ្នំពេញ ៖ រដ្ឋមន្រ្តីក្រសួងបរិស្ថាន ឯកឧត្តម សាយ សំអាល់ នៅរសៀលថ្ងៃទី១១ ខែឧសភា ឆ្នាំ២០២៣នេះ បានផ្តល់​បាឋកថា ស្តីពី«បរិស្ថាន និងធនធានធម្មជាតិកម្ពុជា»ដល់សិក្ខាកាមនៃសាលាមិត្តភាពកម្ពុជា-វៀតណាម ខណៈការ​ធ្វើនេះគឺដើម្បីក្រើនរំលឹកដល់សិក្ខាកាមដែលជានគរបាលទាំងអស់ឲ្យចូលរួមថែរក្សាការ ពារធនធានធម្មជាតិ​នៅ​កម្ពុជាបន្ថែមទៀត។

ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ និងតំណាងនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានលើកឡើងថា ក្នុងនាមនគរបាលជាតិ សូមធ្វើការស្វាគមន៍ និងអគុណ​ចំពោះ​ឯកឧត្តម រដ្ឋមន្រ្តី ដែលបានផ្តល់បទពិសោធន៍ ដល់សិក្ខាកាមដែលជានគរបាលកំពុងធ្វើ ការបណ្តុះបណ្តាល​នៅសាលាមិត្តភាពកម្ពុជា-វៀតណាមនេះ។

ឯកឧត្តម ឆាយ គឹមខឿន បានថ្លែងបន្តទៀតថា តំណាងឲ្យសិក្ខាកាមទាំងអស់ពិតជាមានបេតិ សោមនរីយរាយ​យ៉ាងក្រៃលែងចំពោះវត្តមានរបស់ឯកឧត្តម រដ្ឋមន្រ្តីក្រសួងបរិស្ថាន មិនត្រឹមតែបាន​ឆ្លុះបញ្ចាំងឲ្យ​ឃើញច្បាស់​អំពីទស្សនវិស័យវែងឆ្ងាយ មានវិសាលភាពទូលំទូលាយក្នុងការលើក​កម្ពស់ចំណេះដឹងអំពីគុណ​ប្រយោជន៍​នៃការអភិរក្សបរិស្ថាន និងធនធានធម្មជាតិនៅកម្ពុជា ប៉ុណ្ណោះទេ គឺថែមទាំងបាន បង្កើតឱកាសដ៏​មានតម្លៃមិន​អាចកាត់ថ្លៃបាន ក្នុងការគាំទ្រ លើកទឹកចិត្តិដល់មន្រ្តីនគរបាលជាតិទៀតផង។

ឧត្តមសេនីយ៍ឯក ឆាយ គឹមខឿន បានលើកឡើងទៀតថា កិច្ចការពារថែរក្សាបរិស្ថាន និង ធនធានធម្មជាតិគឺជា

​ក​តព្វកិច្ចរបស់​យើងទាំងអស់គ្នាដែលចាំបាច់ត្រូវតែមានការយល់ដឹង និងចូលរួមរក្សា ការពារឲ្យ​បានគត់មត់​សំដៅ​លើកកម្ពស់សុខុមាលភាពជីវភាពរស់នៅរបស់ប្រជាពលរដ្ឋ និងអភិរក្សសម្បត្តិ ធម្មជាតិ ក្នុងការចូលរួម​ចំណែកកាត់បន្ថយហានិភ័យនៃគ្រោះធម្មជាតិ និងការប្រែប្រួលអាកាសធាតុដែល ជាសកលជាដើម។

ថ្លែងនៅក្នុងពិធីនោះដែរ ឧត្តមសេនីយ៍ឯក អ៊ុ អ៊ុន អនុប្រធានសេនាធិការ និងជានាយកសាលា មិត្តភាព​កម្ពុជា-វៀតណាម ​ក៏បានថ្លែងអំណរអគុណចំពោះវត្តមានរបស់ឯកឧត្តមរដ្ឋមន្រ្តីក្រសួងបរិស្ថាន ដែល បានអញ្ជើញ​មក​ធ្វើ​បាឋកថា​​ផ្តល់​ចំណេះដឹងដល់សិក្ខាកាមនៅក្នុងសាលានេះផងដែរ ហើយលោកឧត្តមសេនីយ៍​រំពឹងថា សិក្ខារបស់លោក​នឹងយកចំណេះដឹងដែលបានទទួលនាថ្ងៃនេះបន្តចែករំលែកដល់ នគរបាលជំនាន់​ក្រោយៗទៀត​ផងដែរ៕ អត្ថបទ ៖ បាន ចក់