ប្រទេសអ៊ុយក្រែន រុស្ស៊ី ទួរគី និងអង្គការសហប្រជាជាតិ បានពិភាក្សាគ្នាកាលពីថ្ងៃព្រហស្បតិ៍លើសំណើរបស់អង្គការសហប្រជាជាតិ ដើម្បីបន្ថែមពេលកិច្ចព្រមព្រៀង បន្ទាប់ពីការនំាចេញគ្រាប់ធញ្ញជាតិអ៊ុយក្រែន នៅសមុទ្រខ្មៅដោយសុវត្ថិភាពដែលទីក្រុងមូស្គូបានគំរាមបញ្ឈប់នៅត្រឹមថ្ងៃទី១៨ ខែឧសភា ជុំវិញឧបសគ្គចំពោះការនាំចេញជី និងគ្រាប់ធញ្ញជាតិរបស់ខ្លួន។

អង្គការសហប្រជាជាតិ និងប្រទេសទួរគី បានសម្របសម្រួលកិច្ចព្រមព្រៀងនៅសមុទ្រខ្មៅ កាលពីខែកក្កដា ឆ្នំាមុន ដើម្បីជួយដោះស្រាយវិបត្តិស្បៀងអាហារពិភពលោក ដែលបានធ្លាក់​ចុះធ្ងន់ធ្ងរ​ដោយសារសង្គ្រាមរបស់ទីក្រុងមូស្គូ នៅអ៊ុយក្រែន។ នៅពេលជាមួយគ្នានេះដែរ អង្គការសហប្រជាជាតិ បានព្រមព្រៀង ជួយទីក្រុងមូស្គូសម្រួលដល់ការដឹកជញ្ជូន​ផលិតផលកសិកម្ម​របស់ខ្លួន។

កិច្ចប្រជុំរបស់មន្ត្រីជាន់ខ្ពស់ក្នុងទីក្រុងអ៊ីស្តង់ប៊ុល កាលពីថ្ងៃព្រហស្បតិ៍ ទំនងជាបញ្ចប់ដោយគ្មានកិច្ចព្រមព្រៀងរបស់រុស្ស៊ីដើម្បីបន្ថែមពេលកិច្ចព្រមព្រៀងនៅសមុទ្រខ្មៅ។

វិមានក្រឹមឡាំងនិយាយកាលពីព្រឹកថ្ងៃ ព្រហស្បតិ៍ថា ប្រធានាធិបតីរុស្ស៊ី លោក Vladimir Putin អាចពិភាក្សាជាមួយប្រធានាធិបតីទួរគី លោក Tayyip Erdogan ក្នុងការជូនដំណឹងខ្លីមួយ ប្រសិនបើត្រូវការទាក់ទងទៅនឹងការបន្ថែមពេលកិច្ចព្រមព្រៀង ប៉ុន្តែពុំមានផែនការបែបនេះនាពេលបច្ចុប្បន្ននេះទេ។

អង្គការសហប្រជាជាតិ និយាយថា កិច្ចប្រជុំ បានពិភាក្សាពីសំណើថ្មី ធ្វើឡើងដោយអង្គការ​សហប្រជាជាតិ មានដូចជា ការបន្តបំពង់បង្ហូរអាម៉ូញាក់ទីក្រុង Togliatti-Odesa ដែលបន្ថែមពេលកិច្ច​ព្រមព្រៀងកាន់តែយូរ ការធ្វើឲ្យប្រសើរឡើងមជ្ឈមណ្ឌលសម្របសម្រួលរួម​សម្រាប់កិច្ច​សហប្រតិបត្តិការដោយស្ថិរភាព​ និងការនាំចេញ ព្រមទាំងបញ្ហាផ្សេងទៀត ដែលលើកឡើងដោយគ្រប់ភាគី។