ស្របពេលដែលប្រទេសថៃត្រៀមរៀបចំការបោះឆ្នោតសកលនៅថ្ងៃអាទិត្យខាងមុខនេះ ប្រទេសមួយនេះ ដឹងខ្លួនច្បាស់ថា កំពុងប្រឈមពេលវេលាដ៏សំខាន់មួយនៅក្នុងប្រវត្តិសាស្រ្តនៃលទ្ធិប្រជាធិបតេយ្យរបស់ពួកគេ ក្នុងនោះប្រជាពលរដ្ឋរស់នៅទីក្រុងបាងកក អំពាវនាវឲ្យមានការផ្លាស់ប្តូរ ក្រោយរស់នៅក្រោមរដ្ឋបាលបច្ចុប្បន្នអស់រយៈពេល ៨ឆ្នាំ ។

លោក Naratouch Kanjanakul វ័យ ៤៨ឆ្នាំ គឺជាពលរដ្ឋមួយរូបរស់នៅក្នុងទីក្រុងបាងកក និយាយថា ខ្ញុំច្បាស់ក្នុងចិត្តថា ការផ្លាស់ប្តូរគឺជាអ្វីមួយដែលខ្ញុំចង់ឃើញ ។ កាលពីមុន ពួកយើងបង្ខំចិត្តទទួលយកអ្វីដែលពួកគេមាន ។

យោងតាមការអះអាងរបស់ក្រុមអ្នកវិភាគនយោបាយ ដែលទទួលស្គាល់ការពិតចំពោះការបោះឆ្នោតឆ្នាំ ២០១៩ ថាក្រុមមេដឹកនាំយោធាធ្វើរដ្ឋប្រហារឆ្នាំ ២០១៤ និងអនុវត្តន៍ប្រព័ន្ធបោះឆ្នោតខ្លួនឯង នឹងផ្តល់អំណាចឲ្យអតីតមេបញ្ជាការកងទ័ព Prayuth Chan-ochaធ្វើជានាយករដ្ឋមន្រ្តីនោះ បានឲ្យដឹងថា ប្រទេសថៃ ត្រូវបានគេកំណត់ថាជាប្រទេសបង្ហាញលក្ខណៈលទ្ធិផ្តាច់ការនៃការបោះឆ្នោត ។

លទ្ធផលបែបនេះ ប្រទេសថៃមិនអាចចាត់ថ្នាក់ថាជារបបប្រជាធិបតេយ្យពេញលេញបាននោះទេនៅការបោះឆ្នោតចុងក្រោយ ។

លោកស្រី Siripan Nongsuan Sawasdee គឺជាសាស្រ្តាចារ្យផ្នែកវិទ្យាសាស្រ្តនយោបាយនៅសាកលវិទ្យាល័យ Chulalongkorn និយាយថា នៅការបោះឆ្នោតឆ្នាំ ២០១៩ មិនចំពោះថាប្រជាពលរដ្ឋបោះឆ្នោតប៉ុន្មាននាក់នោះទេ វាច្បាស់ខ្លាំងណាស់ថា លោកឧត្តមសេនីយ៍ Prayuth នឹងក្លាយជានាយករដ្ឋមន្រ្តី ។

យោងតាមការអះអាងរបស់លោកស្រី Siripan បានឲ្យដឹងថា មានលទ្ធភាពខ្ពស់ណាស់ដែលថាលោកឧត្តមសេនីយ៍ Prayuthអាចនឹងយល់ឃើញថាខ្លួនលោក នៅក្រៅការបោះឆ្នោតនាពេលខាងមុខនេះ ។

លោកស្រីពន្យល់ថា វាមានកត្តាច្រើន ដូចជាការធ្លាក់ចុះសេដ្ឋកិច្ចពិភពលោក ការរីករាលដាលឆ្លងសកលជំងឺ COVID-19 និងសកម្មភាពការងារមិនជាទីពេញចិត្តរបស់រដ្ឋាភិបាល បានធ្វើឲ្យអ្នកបោះឆ្នោតងាកចេញកាន់តែឆ្ងាយពីគណបក្សគាំទ្រដោយយោធា ៕