ព្រះសីហនុ ៖ លោកឧត្តមនាវីទោ GURCHARSN SINGH មេបញ្ជាការកងនាវាចរភាគខាងកើតកងទ័ពជើងទឹកឥណ្ឌា ជាប្រធានប្រតិភូបានចូលជួបសម្តែងការគួសម និងពិភាក្សាការងារជាមួយ អភិបាលនៃគណ:អ ភិបាលខេត្តព្រះសីហនុ នៅសាលាខេត្តព្រះសីហនុ រសៀលថ្ងៃទី១១ ខែឧសភា ឆ្នាំ២០២៣ បន្ទាប់ពីនា វាចម្បាំងកងទ័ពជើងទឹកឥណ្ឌាពីរគ្រឿង បានចូលចតនៅកំពង់ផែស្វយ័តអន្ដរជាតិក្រុងព្រះសីហនុ។

ក្នុងជំនួបនេះ លោកឧត្តមនាវី បានឱ្យដឹងថា នាវារបស់យើងធ្លាប់បានធ្វើដំណើរទស្សនកិច្ចមកកាន់កំព ង់ផែក្រុងព្រះសីហនុ នាឆ្នាំកន្លងមក។ បន្ទាប់ពីបានធ្វើសមយុទ្ធរួមគ្នានៅតំបន់អាស៊ានរយ:ពេល ២ថ្ងៃ ដែលប្រទេសឥណ្ឌាធ្វើជាសហប្រធាន ជាមួយប្រទេសសឹង្ហបុរី យើងបានចាកចេញពីប្រទេសសឹង្ហបុរី មកកាន់កំពង់ផែក្រុងព្រះសីហនុ ហើយយើងនឹងបន្តទៅប្រទេសវៀតណាម។

លោកបន្តថា តាមរយៈទស្សនកិច្ចរវាងរដ្ឋាភិបាល និងរដ្ឋមន្ត្រីក្រសួងការពារជាតិ នៃប្រទេសទាំងពីរជា សូចនាករបង្ហាញឱ្យឃើញពីទំនាក់ទំនងកាទូតរវាងប្រទេសទាំងពីរ តាមរយ:វប្បធម៌ អរិយធម៌ ប្រជាជ ន និងប្រជាជន និងកិច្ចសហប្រតិបត្តិការកាន់តែមានការរីកចម្រើនគួរឱ្យកត់សម្គាល់នៅប៉ុន្មានឆ្នាំចុង ក្រោយនេះ។ យើងសង្ឃឹមថា ប្រទេសទាំងពីរ នឹងបង្កើនកិច្ចសហប្រតិបត្តិការបន្ថែមទៀតនៅពេលអ នាគត ហើយនាវាកងទ័ពជើងទឹកឥណ្ឌា បានផ្តល់នូវវគ្គបណ្តុះបណ្តាលដល់នាយទាហានជើងទឹកកម្ពុជា ការធ្វើលំហាត់រួមគ្នាជាមួយភាគីកម្ពុជា។ ខ្ញុំ បានឃើញការរីកចម្រើនរបស់ខេត្ដព្រះសីហនុ និងជូនពរប្រទេសកម្ពុជា មានការអភិវឌ្ឍរីកចម្រើនបន្ថែមទៀត ហើយរយពេល ៣ថ្ងៃខាងមុខ យើងទស្សនានៅក្នុងក្រុងព្រះសីហនុ។

ឯកឧត្តម គួច ចំរើន អភិបាលខេត្តព្រះសីហនុ បានស្វាគមន៍មេបញ្ជាការកងនាវាចរភាគខាងកើតកងទ័ពជើងឥណ្ឌា សហការី និងសេនានុព័ន្ធយោធាឥណ្ឌ ស្របពេលដែលកម្ពុជា​ធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមអាស៊ីអាគ្នេយ៍លើកទី៣២ ហើយខេត្តព្រះសីហនុក៏ជាម្ចាស់ផ្ទះរៀបចំការប្រកួតកី ឡា ៣ប្រភេទផងដែរ កម្ពុជាកំពុងសប្បាយរីករាយជាមួយស៊ីហ្គេម និងទទួលស្វាគមន៍នាវាយោធាកងទ័ពជើងទឹកឥណ្ឌា ០២គ្រឿង។ កម្ពុជា ឥណ្ឌាមានទំនាក់ទំនងការទូត ៥៨ឆ្នាំមកហើយ រដ្ឋាភិបាលកម្ពុជា ចងចាំដែលឥណ្ឌាគាំទ្រដំណើរសន្តិភាពរបស់កម្ពុជា ក្រោយពីកម្ពុជាទទួលបានឯករាជ្យឆ្នាំ១៩៥៣ ឥណ្ឌាទទួលស្គាល់ឯករាជ្យកម្ពុជា។ ក្រោយរំដោះ ១៩៧៩ ឥណ្ឌាទទួលស្គាល់កម្ពុជាមុនគេ ក្នុងស្ថានភាពដ៏លំបាកផ្នែកជីវភាព រដ្ឋាភិបាលឥណ្ឌាបានជួយទំនុកបំរុងកម្ពុជាមកដល់បច្ចុប្បន្ន ការទស្សនកិច្ចរបស់ឯកឧត្តមនាយឧត្តមសេនីយ៍ ហ៊ុន ម៉ាណែត ទៅកាន់ប្រទេសឥណ្ឌានា​ពេលកន្លងមក មានការទ ទួលស្វាគមន៍យ៉ាងកក់ក្តៅពីរដ្ឋាភិបាលឥណ្ឌា និងបានផ្តល់កិច្ចសហប្រតិបត្តិការល្អ។

ឯកឧត្តមបន្ដថា ឥណ្ឌាជាប្រទេសធំ ជឿនលឿនផ្នែកវិទ្យាសាស្ត្រ ឥណ្ឌាក៏បានជួយណ្តុះបណ្តាលធន ធានមនុស្សរបស់កម្ពុជា ទន្ទឹមនោះវិស័យសុខាភិបាលឥណ្ឌាមានការរីកចម្រើន ហើយមានប្រជាជនកម្ពុជាបានទៅព្យាបាលនៅប្រទេសឥណ្ឌាមិនតិចដែរ នេះជាទំនាក់ទំនងដោះដូរប្រជាជនមានការកើនឡើង ឯកឧត្តមសង្ឃឹមថា ដំណើរទស្សនកិច្ចរបស់នាវាជើង​ទឹកឥណ្ឌាទាំងពីរគ្រឿងទទួលបានផ្លែផ្កាល្អ ។ ឯកឧត្ដមក៏បានជូនពរឪ្យដំណើរទស្សនកិច្ចនៅកម្ពុជាទទួលបានជោគជ័យផងដែរ៕ ដោយ ៖ គង់ ប៊ុនថា