ភាពជាប់គាំងនៅក្នុងទីក្រុងវ៉ាស៊ីនតោន ជុំវិញការបង្កើនកម្រិតការខ្ចីប្រាក់បន្ថែម ៣១,៤ សែនកោដិដុល្លាររបស់រដ្ឋាភិបាលសហរដ្ឋអាមេរិក បានបន្ថែមដល់ការព្រួយបារម្ភផ្នែកសេដ្ឋកិច្ច​សកល ខណៈរបាយការណ៍សភាថ្មីមិនសម្អៀង ហៅថា​ជា​ហានិភ័យ​ដ៏ធំនៃការក្ស័យធន​ជា​ប្រវត្តិសាស្ត្រ ក្នុងរយៈពេល២សប្តាហ៍ដំបូងនៃខែមិថុនា។

របាយការណ៍របស់ការិយាល័យថវិកាសភាអាមេរិក ​ដែលបានចេញផ្សាយកាលពីព្រឹកថ្ងៃសុក្រ បាន​បញ្ជាក់ពីការព្រមានដំបូងរបស់រដ្ឋមន្ត្រីរតនាគារលោកស្រី Janet Yellen ថា ការក្ស័យធនអាចកើតឡើងនៅថ្ងៃទី១ ដើមខែមិថុនា។

ការិយាល័យបានព្រមានថា មានហានីភ័យដ៏ធំ ដែលរដ្ឋាភិបាលនឹងពុំអាចបំពេញកាតព្វកិច្ចទាំង​អស់​របស់ខ្លួននៅពេលណាមួយ ​ក្នុងរយៈពេល២សប្តាហ៍ដំបូងនៃខែមិថុនា។

អ្នកកាន់ឯកសារថវិការបស់សភា ​បានកត់សំគាល់ថា​ ការសងបំណុលសហព័ន្ធ នឹងនៅតែពុំ​ច្បាស់លាស់ នៅក្នុងខែឧសភានេះ ​ទោះបីជារតនាគារអស់សាច់ប្រាក់ដោយយថា​ហេតុនៅដើម​ខែមិថុនាក៏ដោយ។

ប្រធានាធិបតី លោក Joe Biden និងសហសេវិកគណបក្សប្រជាធិបតេយ្យ កំពុងជំរុញឲ្យមានចំណាត់​ការ​បន្ទាន់ ចាប់តាំងពីការចាប់ផ្តើមឆ្នាំ ដើម្បីដាក់កម្រិតអតិបរមាបំណុលស្របច្បាប់លើចំនួន​ ៣១,៤ សែនកោដិដុល្លារ ​លើប្រាក់កម្ចីរដ្ឋាភិបាលដោយគ្មានលក្ខខណ្ឌ។

សមាជិកគណបក្សសាធារណៈរដ្ឋ ដែលបានតាមដានយ៉ាងដិតដល់នូវសភាតំណាងរាស្ត្រ មាន​បំណងកំណត់ថ្មីលើការចំណាយនៅពេលអនាគត ដែលត្រូវកំណត់មុនពេលពួកគេផ្តល់​ការ​អនុញ្ញាត​សម្រាប់ការចំណាយបន្ថែមលើកម្ចីឥណទាន សម្រាប់យកបង់ទូទាត់ការចំណាយដែលបានកំណត់​កាលពីមុន។