ពលរដ្ឋទួរគីរាប់លាននាក់ បានចេញទៅកាន់មណ្ឌលបោះឆ្នោត នៅថ្ងៃអាទិត្យនេះ នូវអ្វីដែលនឹងត្រូវកំណត់ពីការបោះឆ្នោតដ៏លំបាកបំផុតរបស់ប្រទេសទួរគី ក្នុងរយៈពេល២ ទសវត្សរ៍មកនេះ និងជាលទ្ធផលមួយដែលនឹងនាំមកនូវភាព​ស្មុគស្មាញ​ហួសពីព្រំដែនរបស់ខ្លួន។

ប្រទេសដែលមានប្រជាជនសរុប ៨៥លាននាក់ បានរៀបចំការបោះឆ្នោតទាំងសម្រាប់ការ​ជ្រើសរើសប្រធានាធិបតី ទាំងសម្រាប់តំណាងរាស្ត្រនៅសភារបស់ខ្លួននៅថ្ងៃទី១៤ឧសភានេះ ដែលគេរំពឹងថានឹងប្រកៀកប្រកិតគ្នា ប្រសិនបើគ្មានបេក្ខជនណាមួយឈ្នះបានសំឡេង​លើស៥០%ទេ ហើយការបោះឆ្នោតជុំទី២ នឹងបន្តនៅរយៈពេល២សប្ដាហ៍ទៀត។

ប្រធានាធិបតីក្នុងតំណែង លោក Recep Tayyip Erdogan កំពុងប្រឈមការសាកល្បងដ៏លំបាកបំផុត បន្ទាប់ពីកាន់អំណាចរយៈពេល២ទសវត្សរ៍ ដែលធ្វើឲ្យប្រជាជនផ្ទុះកំហឹងជាសាធារណៈ ជុំវិញ ស្ថានភាពសេដ្ឋកិច្ចដែលកាន់តែធ្ងន់ធ្ងរទៅ និងការឆ្លើយតបយឺតយ៉ាវរបស់រដ្ឋាភិបាល​ចំពោះគ្រោះ​មហន្តរាយរំញ្ជួយដីដ៏ធ្ងន់ធ្ងរកាលពីខែកុម្ភៈដែលបានសម្លាប់មនុស្សជាង៥០.០០០នាក់៕