គណៈកម្មការរៀបចំការបោះឆ្នោតបានបញ្ចប់ការរាប់សន្លឹកឆ្នោតនៅព្រឹកថ្ងៃចន្ទនេះ និងបានប្រកាសពីជ័យជម្នះរបស់គណបក្សបោះជំហានទៅមុខ ឬ Move Forward Party នៅក្នុងការបោះឆ្នោតសកលថ្ងៃទី១៤ឧសភា ។

ប្រធានគណៈកម្មការរៀបចំការបោះឆ្នោត លោក Ittiporn Boonpracong បាននិយាយថាគណបក្ស​បោះជំហានទៅមុខ បានឈ្នះនៅមណ្ឌលបោះឆ្នោតតំណាងរាស្ត្រចំនួន១១២អាសនៈ និងតារាង​បេក្ខជនរាយឈ្មោះរបស់គណបក្សចំនួន៣៩អាសនៈ ​ដែលតាមពីក្រោយដោយគណបក្ស Pheu Thai បានឈ្នះនៅមណ្ឌលបោះឆ្នោតតំណាងរាស្ត្រចំនួន១១២អាសនៈ និងតារាងរាយឈ្មោះបេក្ខជនរបស់គណបក្សចំនួន២៩  អាសនៈ គណបក្ស Bhumjaithai  បានឈ្នះ នៅមណ្ឌលបោះឆ្នោតតំណាងរាស្ត្រចំនួន៦៨អាសនៈ និងតារាងរាយឈ្មោះបេក្ខជនរបស់គណបក្សចំនួន៣ង

អាសនៈ គណបក្ស Palang Pracharathបានឈ្នះ នៅមណ្ឌលបោះឆ្នោតតំណាងរាស្ត្រចំនួន៣៩អាសនៈ និងតារាងរាយឈ្មោះបេក្ខជនរបស់គណបក្សចំនួន១  អាសនៈ និងគណបក្សរួមសាងជាតិថៃ បានឈ្នះនៅមណ្ឌលបោះឆ្នោតតំណាងរាស្ត្រ២៣ អាសនៈ និងតារាងរាយឈ្មោះបេក្ខជនរបស់គណបក្សចំនួន១អាសនៈ។ 

ក្នុងចំណោមគណបក្សផ្សេងទៀត គណបក្សប្រជាធិបតេយ្យ បានឈ្នះនៅមណ្ឌលបោះឆ្នោត​តំណាងរាស្ត្រចំនួន២២អាសនៈ និងតារាងបញ្ជីឈ្មោះបេក្ខជនរបស់​គណបក្សចំនួន៣អាសនៈ គណបក្ស Chartthaipattana បានឈ្នះនៅមណ្ឌលបោះឆ្នោតតំណាងរាស្ត្រ​៩អាសនៈ គណបក្ស Prachachat បានឈ្នះនៅមណ្ឌលបោះឆ្នោតតំណាងរាស្ត្រ៧អាសនៈ និងតារាងរាយឈ្មោះបេក្ខជនរបស់គណបក្ស២អាសនៈ គណបក្ស Thai Sang Chartបានឈ្នះនៅ​មណ្ឌលបោះឆ្នោតតំណាងរាស្ត្រចំនួន៥  អាសនៈ គណបក្ស Pheu Thai Ruam Palang បានឈ្នះនៅមណ្ឌលបោះឆ្នោតតំណាងរាស្ត្រ២អាសនៈ គណបក្ស Chartpattanakla បានឈ្នះ​នៅមណ្ឌលបោះឆ្នោតតំណាងរាស្ត្រ១អាសនៈ គណបក្ស Seriruamthai ទទួលបាន១អាសនៈ និង Thai Sang Thai ទទួលបាន១អាសនៈ៕