ប្រជាពលរដ្ឋ​រាប់ពាន់នាក់​នៅក្នុង​ទីក្រុង​គី​វ ប្រទេស​អ៊ុយ​ក្រែ​ន បាន​ជួបជុំគ្នា​នៅ​សួន​កម្សាន្ត​រុក្ខសាស្ត្រ ដើម្បី​លំហែរ​កាយ​ក្រោយ​ការប្រកាសអាសន្ន​ពី​ការ​វាយឆ្មក់​តាម​ច្រក​អាកាស​នៅពេល​យប់ ។

ដើម​ផ្កា Lilac​នៅក្នុង​សួន​កម្សាន្ត​រុក្ខសាស្ត្រ​ទីក្រុង​គី​វ គឺជា​និមិត្តសញ្ញា​នៃ​រដ្ឋធានី​ប្រទេស​អ៊ុយ​ក្រែ​ន​មួយ​នេះ​។ ផ្លូវ​សួន​ពោ​ពេញ​ដោយ​ក្លិនក្រអូប ផ្កា​រីក​ចម្រុះ​ពណ៌ ទាក់ទាញ​ប្រជាពលរដ្ឋ​ក្នុង​រដ្ឋធានី​អ៊ុយ​ក្រែ​យ​នា​សម័យ​សង្គ្រាម ឲ្យ​មក​លំហែរ​កាយ សម្រាក​ពី​ការពិត​ដ៏​អាក្រក់​មួយ​នេះ ។

អ្នកស្រី Nina Dadochkina គឺជា​វិចិត្រករ​ដែល​បាន​គូ​បាច់ផ្កា​ពណ៌​ស្វាយ​កាលពី​រសៀល​ថ្ងៃអាទិត្យ និយាយថា ខ្ញុំ​ចាប់អារម្មណ៍​នឹង​ទីនេះ ។ ក្រោយ​យប់​ទាំងអស់នេះ ខ្ញុំ​រស់​ឡើងវិញ​ម្តង​ទៀតហើយ ។

ដោយឡែក អ្នកស្រី Anastasiia Kachai ដែលជា​អ្នកជំនាញ​ច្បាប់​ឈរ​ថតរូប​នៅមុខ​ដើម​ផ្កា Lilac​ដែល​កំពុង​រីក​យ៉ាង​ស្គុយ​ស្គាយ និយាយថា ប្រព័ន្ធ​ការពារ​ដែនអាកាស​រប​ស់​ពួកយើង បានការ​ពារ​ពួកយើង​រាល់​យប់ ដូច្នេះហើយ​ពួកយើង​អាច​ភ្ញាក់ឡើង​នៅពេល​ព្រឹក​រីករាយ​នឹង​ជីវិត​របស់​ពួកយើង អរគុណ​វា​ខ្លាំងណាស់។

ពណ៌​ស្វាយ​ចាស់​របស់​ផ្កា Lilac បានធ្វើ​លោក Dmytro Skomorokh ដែលជា​ទាហាន​មកពី​តំបន់ Luhansk កាន់កាប់​ដោយ​រុស្ស៊ី នឹក​ដល់ផ្ទះ​របស់លោក ពេលដែល​លោក​ដើរ​តាមផ្លូវ​សួន ។

ពេល​លើក​កូនស្រី​ហិតផ្កា លោក​និយាយថា តែងតែមាន​ដើម​ផ្កា Lilac​នៅ​វិញ​ផ្ទះ​របស់​ពួកយើង និង​នៅតាម​ផ្លូវ ។ ពេលដែល​ផ្កា​រីក ក្លិន​របស់​វា​ពិតជា​អស្ចារ្យ​ខ្លាំងណាស់៕​