​ប្រធានាធិបតី Volodymyr Zelenskiy បាន​ប្រមូល​ពានរង្វាន់ Charlemagne ប្រកបដោយ​ក​ត្យា​នុ​ភាព ក្នុងនាម​ប្រជាជន​អ៊ុយ​ក្រែ​ន​កាលពី​ថ្ងៃអាទិត្យ (១៤ ឧសភា​) ក្នុង​កម្មវិធី​ផ្ដល់​កិត្តិយស​នៃ​ការបម្រើ​សេវាកម្ម​ទៅកាន់​អឺរ៉ុប ក្នុង​ដំណើរ​ទស្សនកិច្ច​ទៅកាន់​ប្រទេស​អាល្លឺម៉ង់ ដែល​ក្នុងនោះ​លោក​ទទួលបាន​ជំនួយ​យោធា​ថ្មី និង​ការគាំទ្រ​យ៉ាង​កក់ក្តៅ​ពី​ទីក្រុង​ប៊ែ​រ​ឡាំង​។​

​លោក Zelenskiy បានធ្វើ​ដំណើរ​ដោយ​ឧទ្ធម្ភាគចក្រ​ទៅកាន់​ទីក្រុង Aachen ភាគ​ខាងលិច​ជាមួយ​អធិការបតី​លោក Olaf Scholz បន្ទាប់ពី​កិច្ចពិភាក្សា​ក្នុង​រដ្ឋធានី​អាល្លឺម៉ង់​។ លោក​បានទទួល​ការអបអរសាទរ​នៅក្នុង​ពិធី​មួយ​នៅក្នុង​បន្ទប់ Coronation នៃ​សាលាក្រុង Aachen ជាទី​ដែល​លោក​បានទទួល​រង្វាន់​អបអរសាទរ​ការបម្រើ​សេវាកម្ម​ដល់​ការបង្រួបបង្រួម​អឺរ៉ុប​។​

​លោក Scholz បានផ្តល់ "​ការគាំទ្រ​ពេញទំហឹង​" របស់​អាល្លឺម៉ង់​ចំពោះ​ការធ្វើដំណើរ​របស់​អ៊ុយ​ក្រែ​ន​ឆ្ពោះទៅរក​សមាជិកភាព​នៃ​សហភាព​អឺរ៉ុប​។​

​អ៊ុយ​ក្រែ​ន​បាន​ជំរុញ​សម្ព័ន្ធមិត្ត​របស់ខ្លួន​ឲ្យ​ជួយ​ជ្រោមជ្រែង​ដើម្បី​ក្លាយជា​សមាជិក​នៃ​សហភាព​អឺរ៉ុប និង​សម្ព័ន្ធ​យោធា​ណា​តូ ជា​កិច្ចខិតខំ​ប្រឹងប្រែង​ដែល​កាន់​តែមាន​ភាព​បន្ទាន់​បន្ទាប់ពី​ការ​លុកលុយ​របស់​រុស្ស៊ី​កាលពី​ឆ្នាំមុន​។​

​លោក Scholz បាន​និយាយថា "​លោក Volodymyr Zelenskiy លោក​មានការ​គាំទ្រ​ពេញទំហឹង​របស់​យើង​នៅលើ​ផ្លូវ​របស់លោក​ឈានទៅ​កាន់​សហភាព​អឺរ៉ុប​"៕​