គម្រោងផ្លូវល្បឿនលឿនភ្នំពេញ-បាវិត ឈានដល់ចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន

2023/05/18 01:43:14 pm        173

ភ្នំពេញ៖ គម្រោងសាងសង់ផ្លូវល្បឿនលឿនភ្នំពេញ-បាវិត មកដល់ពេលនេះ បានឈានដល់ដំណាក់កាលចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ដែលគម្រោងសាងសង់ផ្លូវល្បឿនលឿនទី២ របស់កម្ពុជានេះ រដ្ឋនឹងសាងសង់ស្ពានធំ១ សម្រាប់ឆ្លងទន្លេមេគង្គ និងឯកជនសាងសង់ផ្លូវដែលមានប្រវែងប្រមាណ ១៣៥គីឡូម៉ែត្រ។

ឯកឧត្ដមទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន ថ្លែងថា គម្រោងសាងសង់ផ្លូវល្បឿនលឿនភ្នំពេញ-បាវិត បានឈានដល់ដំណាក់កាលចុះហត្ថលេខា​លើ​កិច្ចសន្យាជាដៃគូររវាងរដ្ឋ ​និងឯកជន ដើម្បីចាប់ផ្ដើមសាងសង់ រដ្ឋនឹងសាងសង់ស្ពានឆ្លង​ទន្លេមេគង្គ​ភ្ជាប់ផ្លូវក្រវាត់ក្រុងទី៣​ និងក្រុមហ៊ុនឯកជនត្រូវចេញថវិកា​សាងសង់ផ្លូវបន្ត។

នេះបើតាមឯកឧត្ដម ថ្លែងប្រាប់អ្នកសារព័ត៌មាន បន្ទាប់ពីឯកឧត្ដមអញ្ជើញក្នុងពិធីចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ជាមួយ លោក Zhou Yong តំណាងក្រុមហ៊ុនសាជីវកម្មថ្នល់ និងស្ពានចិន នាព្រឹកថ្ងៃទី១៨​ ខែឧសភា ឆ្នាំ២០២៣​ នាទីស្ដីការក្រសួងសាធារណការ និងដឹកជញ្ជូន។

ឯកឧត្ដមទេសរដ្ឋមន្ដ្រី ស៊ុន ចាន់ថុល បានបន្ថែមថា ​ការសាងសង់ផ្លូវល្បឿនលឿនភ្នំពេញ បាវិត មានសារៈសំខាន់ណាស់សម្រាប់កម្ពុជា​ ដោយសារកម្ពុជា​ជា​ប្រទេសនៅចំ​កណ្ដាលមហា​អនុតំបន់​មេគង្គ ដែលមានកម្ពុជា ឡាវ ថៃ វៀតណាម ភូមា និងចិន។ ប្រទេសថៃ និងវៀតណាម បាន​ធ្វើ​ពាណិជ្ជកម្មរាប់ពាន់លានក្នុងមួយឆ្នាំ ​ប៉ុន្តែមិនបានដឹកទំនិញឆ្លងកាត់កម្ពុជាទេ ​ដោយប្រើផ្លូវផ្សេង ប៉ុន្តែនៅពេលកម្ពុជាសាងសង់ល្បឿនលឿនទី២នេះរួចរាល់ ផ្លូវជាតិលេខ៥ ពី​ប៉ោយប៉ែត​មកភ្នំពេញ នឹង​អាចក្លាយជាផ្លូវសេដ្ឋកិច្ចដ៏សំខាន់​សម្រាប់​ប្រទេសថៃ ដឹកទំនិញឆ្លងកាត់​ឡើងមក​ផ្លូវល្បឿនលឿនភ្នំពេញ-បាវិត ​ឆ្ពោះទៅកាន់ប្រទេសវៀតណាមបាន ពេលនោះកម្ពុជា​នឹងក្លាយជាឃ្លាំងស្តុកទុក​ និងបង្កើតការងារជួយពលរដ្ឋកម្ពុជាបានថែមទៀត។ ដូច្នេះហើយទើប​រាជរដ្ឋាភិបាល​កម្ពុជា ខិតខំជំរុញកិច្ចការនេះ​ និងចាប់ដំណើរការឱ្យបានឆាប់។

គម្រោងផ្លូវល្បឿនលឿនភ្នំពេញ-បាវិត ត្រូវបានឯកភាពគ្នាជាគោលការណ៍ ​ក្រោមកិច្ចព្រមព្រៀង PPP ដែលបានចុះហត្ថលេខានាឱកាសនេះ មានប្រវែងប្រមាណ ១៣៥គីឡូម៉ែត្រ ​សាងសង់ជា៤ គន្លង ​ដោយឆ្លងកាត់ខេត្តកណ្តាល ខេត្តព្រៃវែង និងខេត្តស្វាយរៀង។

សាងសង់ជាមួយទុនវិនិយោគប្រមាណ ១,៣៥ ​ពាន់លានដុល្លារអាមេរិក និងរយៈពេលសាងសង់៤ឆ្នាំ ​ក្រោមទម្រង់វិនិយោគសាងសង់-ប្រតិបត្តិការ-ផ្ទេរ ​ហៅកាត់ថា BOT ដូចគ្នាទៅ​នឹងគម្រោងផ្លូវល្បឿនលឿនភ្នំពេញ-ព្រះសីហនុដែរ ហើយក្រុមហ៊ុននឹងប្រត្តិបត្តិការ​រយៈពេល៥០ឆ្នាំ ​មុនពេលផ្ទេរជូនរាជរដ្ឋាភិបាល។

គម្រោងផ្លូវល្បឿនលឿនខ្សែទី២ ភ្នំពេញ-បាវិតនេះ ​នឹងប្រារព្ធពិធីបើកការដ្ឋានជាផ្លូវការនៅថ្ងៃទី០៧ ខែមិថុនា ឆ្នាំ២០២៣ ​ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ​ ហ៊ុន សែន នាយករដ្ឋមន្ត្រី ​ខណៈដែលគម្រោងផ្លូវល្បឿនលឿនខ្សែទី៣​ ភ្នំពេញ-សៀមរាប គ្រោង​នឹង​បញ្ចប់ការសិក្សាសមិទ្ធិលទ្ធភាពនៅចុងខែឧសភានេះ ហើយគ្រោងនឹងចុះអនុស្សារណៈនៃការ​យោគយល់​ក្នុងពេលឆាប់ៗនេះផងដែរ៕អត្ថបទ ៖ ប្រាក់ វ៉ាន់ដា


អត្ថបទដែលទាក់ទង

ឯកឧត្តមសាស្រ្តាចារ្យ ឈាង រ៉ា បើកកិច្ចប្រជុំគណៈកម្មាធិការដឹកនាំគម្រោងពង្រឹងគុណភាពបណ្តុះបណ្តាលមុនពេលបម្រើការងារសម្រាប់មន្រ្តីសុខាភិបាល
2023/12/08 09:39:27 pm        1
សាខាសមាគមនារីកម្ពុជា និងតំណាងគណបក្សចំនួន៥ ប្រគល់អំណោយជូនកាកបាទក្រហមកម្ពុជា
2023/12/08 07:41:27 pm        1
គណៈកម្មាធិការអន្តរក្រសួងចុះពិនិត្យវាយតម្លៃ ការងារថែទាំជាប្រចាំផ្លូវកៅស៊ូរDBSTចំនួន៥ខ្សែ ក្នុងខេត្តពោធិ៍សាត់
2023/12/08 06:40:38 pm        1

បណ្ដាញសង្គម

ព័ត៌មានចុងក្រោយ

​លោក ពូទីន ប្រាប់ទាហានថា លោកនឹងឈរឈ្មោះជាប្រធានាធិបតីម្តងទៀត នៅឆ្នាំ២០២៤

2023/12/08 11:43:33 pm
​ទាហានអ៊ុយក្រែនហ្វឹកហាត់នៅប៉ូឡូញ ដើម្បីត្រៀមសម្រាប់សង្គ្រាមដ៏តានតឹងរដូវរងា
2023/12/08 11:41:46 pm
​វិមានក្រឹមឡាំង៖ គំនិតពាក់ព័ន្ធនឹងកិច្ចចរចាសន្តិភាពតាមលក្ខខណ្ឌរបស់ក្រុងគីវ នៅឆ្នាំ២០២៤ «មិនអាចទៅរួចទេ»
2023/12/08 11:40:38 pm
​ឯកឧត្តមសាស្រ្តាចារ្យ ឈាង រ៉ា បើកកិច្ចប្រជុំគណៈកម្មាធិការដឹកនាំគម្រោងពង្រឹងគុណភាពបណ្តុះបណ្តាលមុនពេលបម្រើការងារសម្រាប់មន្រ្តីសុខាភិបាល
2023/12/08 09:39:27 pm
​សាខាសមាគមនារីកម្ពុជា និងតំណាងគណបក្សចំនួន៥ ប្រគល់អំណោយជូនកាកបាទក្រហមកម្ពុជា
2023/12/08 07:41:27 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2023/12/08 12:48:16 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2023/12/08 09:44:33 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2023/12/08 10:50:57 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2023/12/06 11:39:30 am
​កម្ពុជារកឃើញអូមីក្រុងបំប្លែងថ្មី ប្រភេទ BA4 និង BA5 មានលទ្ធភាពឆ្លងលឿន
2023/12/08 03:09:56 am

ព័ត៌មានវីដេអូ

​ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am