​

​ក្រុម​អ្នកជំនាញ​ដែល​បង្ហាញខ្លួន​ចំពោះមុខ​សភា​កាលពី​ថ្ងៃ​ពុធ (១៧ ឧសភា​) បានលើកឡើង​នូវ​សញ្ញា​គ្រោះថ្នាក់​ជាច្រើន​ពាក់ព័ន្ធ​នឹង​ពីអ្វី​ដែលជា​ការ​ប្រឈម​របស់​សហរដ្ឋអាមេរិក ក្នុងការ​ប្រកួតប្រជែង​ជាមួយ​ប្រទេស​ចិន ខណៈ​ការពិភាក្សា​អំពី​ការ​កាត់ផ្តាច់​ប្រទេស​មហាអំណាច​ទាំងពីរ ចាប់ផ្តើម​មាន​សន្ទុះ​ជោគជ័យ​ខ្លាំង នៅក្នុង​ទីក្រុង​វ៉ាស៊ីនតោន​។​

​អតីត​តំណាង​ពាណិជ្ជកម្ម​អាមេរិក​លោក Robert Lighthizer អតីត​ប្រធាន​គណៈកម្មការ​សេដ្ឋកិច្ច និង​សន្តិសុខ​អាមេរិក​-​ចិន លោក Roger Robinson ព្រមទាំង​អតីត​ប្រធាន​ក្រុមហ៊ុន​Alphabet ក្រម​លោក Eric Schmidt បានផ្តល់​ការព្រមាន​អំពី​អ្វីដែល​សេដ្ឋកិច្ច​ដ៏​យឺតយ៉ាវ​របស់​អាមេរិក អាច​ជួប​ប្រឈម ប្រសិនបើ​ការពឹង​ផ្អែកលើ​ប្រទេស​ចិន​នៅតែ​បន្ត​ក្នុង​សភាព​បច្ចុប្បន្ន​របស់ខ្លួន​។​

​លោក Lighthizer ដែល​ដឹកនាំ​ក្រុមការងារ​អាមេរិក ក្នុងអំឡុងពេល​ការចរចា​កិច្ចព្រមព្រៀង USMCA បាន​និយាយថា លោក​ចាត់ទុក​ប្រទេស​ចិន​ជា "​ការគំរាមកំហែង​ដ៏​គ្រោះថ្នាក់​បំផុត​" ដែល​សហរដ្ឋអាមេរិក កំពុង​ជួប​ប្រឈម​។​

​លោក Schmidt បាន​សង្កត់ធ្ងន់ថា ជាជាង​ការ​កាត់ផ្តាច់​ណាមួយ​នោះ អាមេរិក​គួរតែ​ពិចារណា​លើ​វិស័យ​យុទ្ធសាស្ត្រ​នានា​ដូចជា ប្រព័ន្ធ​បច្ចេកវិទ្យា​កុំព្យូទ័រ អ៊ី​ន​ធើ​ណេ​ត ប្រព័ន្ធ​បច្ចេកវិទ្យា​ប្រាជ្ញា​សប្ប​និមិត្ត ជីវវិទ្យា វិទ្យាសាស្ត្រ​កុំព្យូទ័រ និង​ថាមពល​ថ្មី ដោយ​មិនចាំបាច់​ដាក់​បម្រាម​ដែល​អាច​ប៉ះពាល់​ដល់​បណ្ដា​អ្នកប្រើប្រាស់​អាមេរិក​នោះទេ​។​

​ទន្ទឹមនឹង​នេះដែរ លោក Robinson បាន​លើក​ពី​គ្រោះថ្នាក់​ទាក់ទង​នឹង​ទីផ្សារ​ហិរញ្ញវត្ថុ និង​មធ្យោបាយ​ដែល​ក្រុមហ៊ុន​គ្រប់គ្រង​ដោយ​ប្រទេស​ចិន អាច​បង្ក​គ្រោះថ្នាក់​ដល់​ក្រុម​វិ​និ​វ​យោគិន​អាមេរិក ប្រសិនបើ​ជម្លោះ ដូចជា​ការព្យាយាម​ក្រសោប​យក​តៃវ៉ាន់ បាន​កើនឡើង​ខ្លាំង​រវាង​សហរដ្ឋអាមេរិក និង​ចិន​៕​