កាលពីថ្ងៃពុធ (១៧ ឧសភា) ប្រព័ន្ធផ្សព្វផ្សាយក្នុងស្រុកបានបង្ហាញថា អ្នកផលិតសណ្តែកសៀង និងអំពៅបានបិទផ្លូវហាយវេតភ្ជាប់តំបន់ Cochabamba និង Santa Cruz ក្នុងប្រទេសបូលីវី ដែលជាថ្ងៃទី ២ នៃការតវ៉ាប្រឆាំងនឹងកង្វះប្រេងម៉ាស៊ូត។
នៅប្រទេសបូលីវី រដ្ឋាភិបាលបានអនុវត្តក្រឹត្យលេខ ៤៩១០ និង ៤៩១១ ដែលកាត់បន្ថយការលក់ប្រេងឥន្ធនៈទៅឲ្យបណ្ដាអ្នកទិញប្រេងសាំង និងម៉ាស៊ូតធំៗពី ២០.០០០លីត្រ ទៅត្រឹមតែ៥.០០០លីត្រប៉ុណ្ណោះ ដើម្បីគ្រប់គ្រងប្រេងឥន្ធនៈ និងទប់ស្កាត់ការរត់ពន្ធខុសច្បាប់។
ក្រុមកសិករនៅក្នុងការតវ៉ា ដែលបានទុកចោលរថយន្តដឹកទំនិញនិងរថយន្តគ្រួសាររាប់រយគ្រឿង បាននិយាយថាពួកគេមានអារម្មណ៍ថា ត្រូវជាប់ទោសដោយវិធានការរបស់រដ្ឋាភិបាល ហើយទាមទារការយោគយល់ពីក្រុមមេដឹកនាំរដ្ឋាភិបាល។
លោក Luis Chove កសិករស្ថិតនៅក្នុងការបិទផ្លូវបាននិយាយថា "ពួកយើងដែលជាអ្នកផលិត គ្រាន់តែត្រូវការលក្ខខណ្ឌសមស្របដើម្បីធ្វើការប៉ុណ្ណោះ។ យើងត្រូវការប្រេងឥន្ធនៈតាមតម្រូវការរបស់យើង ហើយមិនចង់ឲ្យកំណត់បរិមាណប្រេងធ្លាក់ដល់ ១២០ លីត្រទេ៕ ចំនួន ១២០ លីត្រនេះគ្មានន័យអ្វីសម្រាប់វិស័យអ្នកផលិតទេ ព្រោះយើងប្រើប្រាស់ប្រេងពី ៤០០លីត្រ ទៅ ៥០០លីត្រ ក្នុងមួយថ្ងៃ"។
បូលីវីឧបត្ថម្ភធនបម្រុងដល់ឧស្ម័នអ៊ីដ្រូកាបូនឌីអុកស៊ីតដែលខ្លួនទិញក្នុងតម្លៃអន្តរជាតិ ហើយលក់ក្នុងតម្លៃមួយភាគបី ដែលនាំឱ្យមានការរត់ពន្ធប្រេងម៉ាស៊ូត ប្រេងសាំង និងឧស្ម័នខុសច្បាប់នៅតាមព្រំដែន។
រដ្ឋាភិបាលរបស់លោកប្រធានាធិបតី Luis Arce សង្ឃឹមថាវិធានការដែលបានអនុវត្តនឹងជួយឲ្យប្រទេសនេះសន្សំបានប្រាក់ចំនួន ២៥០ លានដុល្លារក្នុងមួយឆ្នាំ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
