​ក្រុមកម្មករ​អា​ហ្ស​ង់​ទីន​រាប់ពាន់នាក់ និង​បុគ្គលិក​អង្គការ​សង្គម​ស៊ីវិល បាន​ជួបជុំគ្នា​នៅតាម​រុក្ខវិថី​សំខាន់ៗ​នៅក្នុង​ទីក្រុង Buenos Aires ដើម្បី​តវ៉ា​ប្រឆាំងនឹង​ភាពអត់ឃ្លាន និង​វិធាន​ការអនុម័ត​ដោយ​រដ្ឋាភិបាល ដើម្បី​អនុ​ឡោម​តាម​កិច្ចព្រមព្រៀង​ប្រា​ក់ច​ម្ចី ៤៤​ពាន់​លាន​ដុល្លារ​របស់​មូលនិធិ​រូបិយវត្ថុ​អន្តរជាតិ​(IMF) ។

​ក្រុមកម្មករ​មកពី​ទូទាំងប្រទេស បានចេញ​ដំណើរ​ទៅកាន់​រដ្ឋធានី Buenos Aires ជាទី​ដែល​ពួកគេ​បោះជំរំ​តង់​នៅ​ទីលាន​ចតុរង្គ Plaza de Mayo ដើម្បី​ដាក់​សម្ពាធ​លើ​ក្រសួង​អភិវឌ្ឍន៍​សង្គម ។

​គួរ​ឲ្យ​ដឹងថា ក្រសួង​សេដ្ឋកិច្ច​អា​ហ្ស​ង់​ទីន បានប្រកាស​កញ្ចប់​វិធានការ​កាលពី​ថ្ងៃអាទិត្យ ដែល​រួមទាំង​ការដំឡើង​អត្រា​ការប្រាក់ ការធ្វើអន្តរាគមន៍​ច្រើនជាង​មុន​របស់​ធនាគារកណ្តាល​លើ​ទីផ្សារ​រូបិយវត្ថុ និង​កិច្ចព្រមព្រៀង​ទទួលបាន​ភ្លាមៗ ជាមួយ​ម្ចាស់​ឥណទាន ក្រោយ​អតិផរណា​លើស​ការព្យាករណ៍​ទាំងអស់​កាលពី​សប្តាហ៍​មុន ។

​សូមបញ្ជាក់ថា អតិផរណា​អា​ហ្ស​ង់​ទីន បាន​កើន​ឡើងដល់ ១០៩​ភាគរយ​កាលពី​ខែមេសា ហើយ​អតិផរណា​នេះ នៅតែ​កើនឡើង បើទោះបីជា​មានការ​ការ​គ្រប់គ្រង​តម្លៃ​ក៏ដោយ ៕​