រដ្ឋមន្រ្តីការបរទេសអូស្រ្តាលី លោកស្រី Penny Wong បានបញ្ជាក់ឡើងវិញភាពជាដៃគូសន្តិសុខយុទ្ធសាស្រ្តរបស់ទីក្រុងកាន់បេរ៉ា ជាមួយហ្វីលីពីន បន្ទាប់ពីជំនួបទ្វេភាគីជាមួសមភាគីរបស់លោកស្រីនៅក្នុងទីក្រុងម៉ានីល នាថ្ងៃព្រហស្បតិ៍នេះ ។ 

 អំឡុងសន្និសីទសារព័ត៌មានរួមគ្នាជាមួយរដ្ឋមន្រ្តីការបរទេសហ្វីលីពីនលោក Enrique Manalo លោកស្រី Wongបាននិយាយប្រាប់ក្រុមអ្នកសារព័ត៌មានថា អូស្រ្តាលី សន្យារក្សាការប្តេជ្ញាចិត្តធ្វើការយ៉ាងជិតស្និតជាមួយហ្វីលីពីន ដើម្បីតំបន់ប្រកបដោយសន្តិភាព បើកចំហ ស្ថិរភាព និងវិបុលភាព។ 

 លោកស្រី Wong បន្តថា ជាផ្នែកមួយនៃកិច្ចសហប្រតិប្តិការល្អប្រសើររវាងប្រទេសទាំង ២ អូស្រ្តាលីនឹងផ្តល់ឧបករណ៍យានដ្រូន ការហ្វឹកហាត់ និងបច្ចេកវិទ្យាផ្សេងទៀត ដើម្បីពង្រឹងការយល់ដឹងសមុទ្រ និងសមត្ថភាពការពាររបស់ហ្វីលីពីន។ 

 គេរំពឹងផងដែរថា លោកស្រី Wong នឹងជួបជាមួយប្រធានាធិបតីហ្វីលីពីន លោក Ferdinand Marcos អំឡុងដំណើរទស្សនកិច្ចរបស់លោកស្រី ៕