អាមេរិក៖ ប្រតិកម្មចំពោះបម្រាមលើក្រុមហ៊ុន Tik Tok ថ្មី របស់រដ្ឋម៉ុងតាណា កើតមានឆាប់រហ័សនិងទូលំទូលាយកាលពីថ្ងៃព្រហស្បតិ៍ ខណៈអ្នកប្រើប្រាស់ និងអ្នកជំនាញបានថ្លឹងថ្លែងក្នុងគំនិតយោបល់ដែលមានចាប់ពីការយល់ព្រមចំពោះការព្រួយបារម្ភ និងមន្ទិលសង្ស័យ។ អភិបាលរដ្ឋម៉ុងតាណា លោក Greg Gianforte កាលពីថ្ងៃពុធ បានចុះហត្ថលេខាលើច្បាប់ដើម្បីដាក់បម្រាមលើក្រុមហ៊ុនTik Tok នៅក្នុងរដ្ឋនេះ ដែលចូលជាធរមាននៅថ្ងៃទី១ ខែមករា។ កាលពីថ្ងៃព្រហស្បតិ៍ អ្នកប្រើប្រាស់Tik Tok ៥នាក់នៅក្នុងរដ្ឋម៉ុងតាណា ដែលបានបង្កើតកម្មវិធី បង្ហោះនៅលើកម្មវិធីវីដេអូខ្លី បានដាក់ពាក្យបណ្តឹងនៅក្នុងតុលាការសហព័ន្ធប្រចាំតំបន់ព្យាយាមរារាំងបម្រាមនេះ។ បណ្តឹង ដែលត្រូវបានប្តឹងនៅក្នុងតុលាការតំបន់សហរដ្ឋអាមេរិក ក្នុងរដ្ឋម៉ុងតាណាកាលពីល្ងាចថ្ងៃពុធ មានឈ្មោះរដ្ឋអាជ្ញារបស់រដ្ឋ លោក Austin Knudsen ដែលទទួលចំពោះការអនុវត្តច្បាប់នេះ។

អ្នកប្រើប្រាស់ Tik Tok បានអះអាងថា រដ្ឋស្វែងរកការអនុវត្តន៍អំណាចជុំវិញសន្តិសុខជាតិ ដែលរដ្ឋម៉ុងតាណាគ្មាន និងដើម្បីហាមប្រាមការនិយាយស្តីដែលរដ្ឋម៉ុនតាណាពុំអាចដាក់សម្ពាធបាន។ បណ្តឹងបាននិយាយថា អ្នកប្រើប្រាស់ជឿថា ច្បាប់នេះបំពានសិទ្ធការធ្វើវិសោធនកម្មលើកដំបូងរបស់ពួកគេ។  

ក្រុមហ៊ុន Tik Tok ដែលជាកម្មសិទ្ធរបស់ក្រុមហ៊ុនមេ ByteDance របស់ប្រទេសចិន បានប្រឈមការកើនឡើងការអំពាវនាវពីសមាជិកសភាសហរដ្ឋអាមេរិក និងមន្ត្រីរដ្ឋដើម្បីដាក់បម្រាមលើកម្មវិធីនេះនៅទូទាំងប្រទេសជុំវិញការព្រួយបារម្ភអំពីឥទ្ធិពលរបស់រដ្ឋាភិបាលចិនជុំវិញវេទិកានេះ។ ពលរដ្ឋនៅរដ្ឋម៉ុងតាណាមួយចំនួន បានយល់ស្របយ៉ាងប្រុងប្រយ័ត្នជាមួយបម្រាមនេះ ដោយលើកឡើងពីហានីភ័យធ្ងន់ធ្ងរជាមួយកម្មវិធី Tik Tok។ រដ្ឋម៉ុងតាណា ដែលមានចំនួនប្រជាជនត្រឹមតែជាង១លាននាក់ បាននិយាយថា ក្រុមហ៊ុន Tik Tok អាចប្រឈមការផាកពិន័យសម្រាប់ការបំពានណាមួយ និងពិន័យបន្ថែមចំនួន១ម៉ឺនដុល្លារក្នុងមួយថ្ងៃ ប្រសិនបើក្រុមហ៊ុននេះបំពានបម្រាម៕