កាណាដា៖អាកាសធាតុក្តៅនិងស្ងួត ត្រូវបានកំណត់ថា បានវិលត្រឡប់មកកាន់ខេត្តAlbertaវិញ កាលពីថ្ងៃព្រហស្បតិ៍ បន្ទាប់ពីរយៈពេល២ថ្ងៃនៃការចុះត្រជាក់ ដែលបានជួយធ្វើឲ្យអន់ថយចំហេះព្រៃ ដែលបានធ្វើឲ្យយឺតយ៉ាវដល់លំហូរឧស្ម័នធម្មជាតិចេញទៅក្រៅប្រទេសកាណាដា ចូលទៅសហរដ្ឋអាមេរិក និងធ្វើឲ្យកើនឡើងតម្លៃ។ 

ខេត្ត Alberta ដែលនឹងបោះឆ្នោតនៅថ្ងៃទី២៩ ខែឧសភា បានក្លាយជាខេត្តទទួលរងគ្រោះធ្ងន់ធ្ងរបំផុត នៅក្នុងប្រទេសកាណាដាភាគខាងលិច ដោយមានចំហេះព្រៃសកម្មប្រមាណ៩២កន្លែងកំពុងឆាបឆេះ រួមទាំង២៦កន្លែងហួសពីការគ្រប់គ្រងបណ្តាលឲ្យពលរដ្ឋប្រមាណ១២.០០០នាក់ ភៀសខ្លួនចេញពីលំនៅឋានរបស់ពួកគេគិតត្រឹមថ្ងៃពុធ។ 

យោងតាមក្រុមហ៊ុន Refinitiv បានឲ្យដឹងថា ខណៈបរិមាណឧស្ម័នដែលបង្ហូរពីប្រទេសកាណាដា ទៅសហរដ្ឋអាមេរិក បានធ្លាក់ចុះដល់កម្រិតទាបជាថ្មីក្នុងរយៈ២៥ខែមកនេះ មានចំនួន៦,៤ ពាន់លានហ្វីតត្រីគុណក្នុងមួយថ្ងៃកាលពីថ្ងៃពុធ ខណៈចំហេះព្រៃបានបង្អាក់ដល់ផលិតកម្ម។ 

ភាគហ៊ុនរបស់ក្រុមហ៊ុនឧស្ម័នធម្មជាតិអាមេរិក NGc1 បានកើនឡើងប្រមាណ១៣ភាគរយកាលពី២  សប្តាហ៍កន្លងទៅនេះ ចាប់តាំងពីក្រុមហ៊ុននាំចេញប្រេងកាណាដា បានចាប់ផ្តើមធ្លាក់ចុះ។ 

អគ្គិភ័យ បានបង្ខំឲ្យ ក្រុមហ៊ុនប្រេងនិងឧស្ម័ន កាត់បន្ថយយ៉ាងហោចណាស់ ៣១៩.០០០ បារ៉ែលនៃសមមូលការផលិតប្រេងក្នុងមួយថ្ងៃ ឬ៣,៧ ភាគរយ នៃទិន្នផលសរុបរបស់ប្រទេស៕