អ៊ីតាលី៖ អភិបាលតំបន់ បាននិយាយកាលពីថ្ងៃព្រហស្បតិ៍ថា ទឹកជំនន់ដែលបានបណ្តាលឲ្យមនុស្សយ៉ាងហោចណាស់១៣នាក់ស្លាប់ នៅតំបន់ Emilia-Romagna ភាគខាងជើងប្រទេសអ៊ីតាលី បានបង្កឲ្យមានការខាតបង់រាប់ពាន់លានអឺរ៉ូ និងជាពិសេសបានបំផ្លាញផ្នែកកសិកម្មយ៉ាងធ្ងន់ធ្ងរ។ ភ្លៀងធ្លាក់ខ្លាំងនៅសប្តាហ៍នេះ បានបំផ្លាញផ្នែកភាគខាងកើតតំបន់ ដែលគេស្គាល់ថាតំបន់ Romagna ដែលមានបំណាក់ដីរហូតដល់៣០០កន្លែង ទន្លេចំនួន២៣ពេញហៀរច្រាំង ផ្លូវថ្នល់ប្រមាណ៤០០ខ្សែ ត្រូវបានបំផ្លាញឬខូចខាត និងក្រុងចំនួន៤២ បានជនលិចដោយទឹកជំនន់។

ប្រធានតំបន់ Emilia-Romagna លោក Stefano Bonaccini បានប្រាប់អ្នកសារព័ត៌មានថា យើងកំពុងប្រឈមការរញ្ជួយដីថ្មី ដោយចាត់ទុកជាថ្មីថាជាព្រឹត្តិការណ៍គ្រោះមហន្តរាយធម្មជាតិដែលបានវាយប្រហារនៅតំបន់នេះក្នុងឆ្នាំ២០១២ បំផ្លាញលំនៅឋានរាប់ពាន់ខ្នង។ លោក Bonaccini និយាយថា គួរកត់សំគាល់ថាចាប់តាំងពីពេលនោះមកស្ទើរតែអ្វីគ្រប់យ៉ាងត្រូវបានសាងសង់ឡើងវិញដែលបទពិសោធន៍នេះបានបង្ហាញយើងថាវាអាចកើតឡើង ហើយយើងនឹងសាងសង់ឡើងវិញអ្វីគ្រប់យ៉ាងម្តងទៀត ខ្ញុំប្រាកដថាវានឹងបែបនោះ។ យោងតាមសមាគមកសិកម្មតំបន់ Coldiretti បានឲ្យដឹងថា ដីកសិកម្មប្រមាណ៥០០០កន្លែងត្រូវបានជន់លិចនៅក្នុងតំបន់នេះ ដែលរួមមានទាំងតំបន់ដែលគេហៅថាជ្រលងភ្នំផ្លែឈើ ព្រមទាំងចំការពោត និងគ្រាប់ធញ្ញជាតិ។ លោក Bonaccini និយាយថា យើងបានប៉ាន់ប្រមណរួចហើយ ថាមានការខូចខាតគិតជាទឹកប្រាក់ជិត១ពាន់លានអឺរ៉ូពីទឹកជំនន់ទាំងនោះ។

រដ្ឋាភិបាល បានសន្យាផ្តល់ទឹកប្រាក់បន្ថែមចំនួន ២២លានដុល្លារក្នុងការផ្តល់ជំនួយបន្ទាន់ លើទឹកប្រាក់១០លាន់អឺរ៉ុ ដែលបានផ្តល់ឲ្យក្នុងការឆ្លើយតបចំពោះគ្រោះទឹកជំនន់លើកមុន កាលពី២សប្តាហ៍កន្លងទៅនេះ ដែលបានបណ្តាលឲ្យមនុស្ស២នាក់ស្លាប់៕