សេតវិមាន បាននិយាយនៅថ្ងៃសៅរ៍នេះថា បណ្តាមេដឹកនាំមកពីប្រទេសមានឧស្សាហកម្មរីកលូតលាស់ទាំង៧ ឬ G7 នឹងគូសបញ្ជាក់ពីជំហានដើម្បីជួយទប់ក្នុងហានីភ័យពីប្រទេសចិន ខណៈនៅរក្សាទំនាក់ទំនងសេដ្ឋកិច្ច ដោយគូសបញ្ជាក់ពីការលំបាកក្នុងការថ្លឹងថ្លែងដែលប្រទេសប្រជាធិបតេយ្យដ៏សម្បូរបែបត្រូវជួបប្រឈមជាមួយទីក្រុងប៉េកាំង។
ប្រធានាធិបតីសហរដ្ឋអាមេរិក លោក Joe Biden និងមេដឹកនាំប្រទេស G7 បានជួបប្រជុំគ្នា នៅក្នុងទីក្រុង Hiroshima ប្រទេសជប៉ុន សម្រាប់កិច្ចប្រជុំកំពូលរយៈពេល៣ថ្ងៃ ដែលបានដាក់ការផ្តោតជាសំខាន់លើទំនាក់ទំនងជាមួយទីក្រុងប៉េកាំង និងភាពបន្ទាន់នៃការបញ្ចប់ជម្លោះរបស់រុស្ស៊ីជាមួយអ៊ុយក្រែន។
ប្រធានាធិបតីអ៊ុយក្រែន លោក Volodymyr Zelenskiy បានកំណត់ពេលមកដល់ទីក្រុង Hiroshima នៅថ្ងៃសៅរ៍នេះខណៈលោកស្វែងរកបង្កើនការគាំទ្រសម្រាប់កិច្ចប្រឹងប្រែងរបស់ប្រទេសលោក ដើម្បីទប់ទល់ការឈ្លានពានរបស់រុស្ស៊ី។
នៅក្នុងសេចក្តីថ្លែងការណ៍របស់មេដឹកនាំ ទីប្រឹក្សាសន្តិសុខជាតិសេតវិមានលោក Jake Sullivan បានប្រាប់អ្នកសារព័ត៌មានក្នុងសន្និសីទនៅទីក្រុង Hiroshima ថាមេដឹកនាំប្រទេសG7 គ្រោងលើកឡើងពីវិធានការមួយចំនួនដើម្បីការពារបច្ចេកវិទ្យាជាន់ខ្ពស់ដោយរួមទាំងវិធានការវិនិយោគនាំចេញ។
លោកនិយាយថា សមាជិកក្រុមកំពុងស្វែងរក ដើម្បីកាត់បន្ថយហានីភ័យ មិនបំបែកពីប្រទេសចិនឡើយ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
