​​

​ប្រទេស​អ៊ីរ៉ង់​ត្រូវបាន​ថ្កោលទោស​ដោយ​អង្គការ​ឃ្លាំមើល​អន្តរជាតិ បន្ទាប់ពី​ប្រទេស​នេះ បាន​កាត់ទោស​ប្រហារជីវិត​មនុស្ស​៣​នាក់​បន្ថែមទៀត​ជុំវិញ​ការតវ៉ា​កាលពីពេល​ថ្មីៗ​នេះ ដែល​បានធ្វើ​ឲ្យ​រង្គោះរង្គើ​ប្រទេស​។

​សារព័ត៌មាន​តុលាការ Mizan News បាន​និយាយ​កាលពី​ថ្ងៃ​សុក្រ​ថា លោក Majid Kazemi, Saleh Mirhashemi និង​លោក Saeed Yaqoubi ត្រូវបាន​ប្រហារជីវិត នៅក្នុង​ទីក្រុង Isfahan ។

​មនុស្ស​ទាំងបី​នាក់​នេះ ត្រូវបាន​ចោទប្រកាន់​ពី​ការប្រព្រឹត្តិ​ការវាយប្រហា​រ បណ្តាល​ឲ្យ​មន្ត្រី​សន្តិសុខ​៣​នាក់​ស្លាប់ ក្នុង​ក្រុង Isfahan កាលពី​ខែវិច្ឆិការ ឆ្នាំ​២០២២ អំឡុង​ការតវ៉ា​ប្រឆាំង​រដ្ឋាភិបាល​។​

​ក្រសួងការបរទេស​ស​ហ​រដ្ឋ​អាមេរិក កាលពី​ថ្ងៃ​ព្រហស្បតិ៍ បាន​ជំរុញ​ឲ្យ ប្រទេស​អ៊ីរ៉ង់​បញ្ចៀស​ពី​ការអនុវត្តន៍​ការប្រហារជីវិត ដោយ​អំពាវនាវ​ឲ្យ​មាន​ចំណាត់ការ​រឿងក្តី​ដោយ​ពុំមែន​ជា​ទោស​ប្រហារជីវិត​។

​អង្គការ​លើកលែងទោស​អន្តរជាតិ បាន​និយាយថា បុរស​ទាំង​បីនាក់ ត្រូវបាន​តាមដាន​យ៉ាង​ឆាប់រហ័ស តាមរយៈ​ប្រព័ន្ធតុលាការ​របស់​ប្រទេស​អ៊ីរ៉ង់ ដោយ​គ្មាន​ការកំណត់​ដំណើរ​ការដែល​ត្រូវ​ស៊ើបអង្កេត​។

​លោក Mahmood Amiry-Moghaddam នាយក​អង្គការ​មិនមែន​រដ្ឋាភិបាល​ទទួលបន្ទុក​សិទ្ធិមនុស្ស​ប្រទេស​អ៊ីរ៉ង់ បាន​សរសេរ​លើ​បណ្តាញ Twitter ថា ការកាត់ទោស​ប្រហារជីវិត​ទាំងនេះ មានន័យថា​អូសបន្លាយ​ពេល​ការគ្រប់គ្រង​របស់​សាធារណៈរដ្ឋ​អ៊ីស្លាម​មួយ​នេះ ហើយ​មានតែ​ការខាតបង់​ផ្នែក​នយោបាយ​ធ្ងន់ធ្ងរ​ប៉ុណ្ណោះ ទើប​អាច​បញ្ឈប់​ការ​ប្រហា​ជីវិត​អ្នក​តវ៉ា​បន្ថែមទៀត​បាន​។​

​លោក និយាយថា លុះត្រាតែ អាជ្ញាធរ​អ៊ីរ៉ង់ ត្រូវ​បានដាក់​បំពេញ​ដោយ​ផលវិបាក​ធ្ងន់ធ្ងរ​ដោយ​សហគមន៍​អន្តរជាតិ បើ​មិន​ដូច្នេះ​ទេ​ជីវិត​អ្នក​តវ៉ា​រាប់រយ​នាក់​នឹងត្រូវ​បំផ្លាញ​ដោយ​ម៉ាស៊ីន​ពិឃាត​៕