ប្រជាពលរដ្ឋអ៊ីស្រាអែលរាប់ម៉ឺននាក់ បានចូលរួមធ្វើបាតុកម្មនៅទូទាំងប្រទេសកាលពីថ្ងៃសៅរ៍ ដើម្បីតវ៉ាប្រឆាំងនឹងផែនការនាំមកនូវជម្លោះរដ៏ជូរចត់បស់លោកនាយករដ្ឋមន្រ្តី Benjamin Netanyahu ដើម្បីរឹតបន្តឹងតុលាការកំពូល ។
ក្រុមបាតុករ បានជួបជុំគ្នានៅកណ្តាលទីក្រុងតែល អាវីវ ដើម្បីបង្ហាញការរឹងទទឹងប្រឆាំងនឹងផែនការដែលពួកគេយល់ឃើញថាជាការគំរាមកំហែងដល់លទ្ធិប្រជាធិបតេយ្យអ៊ីស្រាអែល ។
កំណែទម្រង់តាមផែនការ ដែលនឹងផ្តល់ការគ្រប់គ្រងរបស់រដ្ឋាភិបាលលើការតែងតាំងចៅក្រោមនៅតុលាការកំពូល និងនាំឲ្យសភាបដិសេធន៍សេចក្តីសម្រេចជាច្រើននោះ ត្រូវបានផ្អាក ក្រោយក្រុមប្រឆាំងរៀបចំបាតុកម្មតាមផ្លូវទ្រង់ទ្រាយធំបំផុតមិនធ្លាប់ដែលមានពីមុននៅក្នុងប្រទេសអ៊ីស្រាអែល ដែលបច្ចុប្បន្នឈានដល់សប្តាហ៍ទី ១៨ជាប់ៗគ្នា ។
រដ្ឋាភិបាល បានចោទប្រកាន់ក្រុមចៅក្រមសកម្មជន ថាព្យាយាមដណ្តើមយកតួនាទីសភា ហើយពួកគេនិយាយថា កំណែទម្រង់នេះ ត្រូវការជាចាំបាច់ ដើម្បីស្តារតុល្យភាពរវាងក្រុមអ្នកច្បាប់ និងក្រុមអ្នកនយោបាយ ៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
