អាកាសយានដ្ឋានអន្តរជាតិ Benito Juarez ស្ថិតក្នុងទីក្រុង Mexico City ប្រទេសម៉ិកស៊ិក បានរាយការណ៍ថា ខ្លួនបានបិទប្រតិបត្តិការបណ្តោះអាសន្ន ដោយសារតែផេះពីភ្នំភ្លើង Popocatepet ដែលបានបញ្ចេញសកម្មភាពកម្រីករបស់វាអស់រយៈពេលជាច្រើនថ្ងៃមកហើយ ។ 

បុគ្គលិកព្រលានយន្តហោះ និងក្រុមហ៊ុនអាកាសចរណ៍ បានត្រួតពិនិត្យ និង​បោស​សម្អាត​ផ្លូវ​រត់​យន្ត​ហោះ និងផ្លូវថយន្តតាក់ស៊ី ។ 

អាកាសយានដ្ឋាន បានបញ្ឈប់ប្រតិបត្តិការរយៈពេលជាង ៥ម៉ោង ចាប់ពីវេលាម៉ោង ៤ និង ២៥នាទី​ព្រឹក ។ ជើងហោះហើរជាច្រើនវ៉ុល ត្រូវបានពន្យារពេល ហើយជើងហោះហើរផ្សេងទៀត ត្រូវ​បានលុបចោល ។ 

មុនពេលថ្ងៃត្រង់ ចំណតនៅក្នុងអាកាសយានដ្ឋានមួយនេះ និយាយថា ពួក​គេ​បាន​ចាប់​ផ្តើម​ប្រតិបត្តិការ​ឡើងវិញហើយ ។ 

គួរឲ្យដឹងថា ភ្នំភ្លើង Popocatepetស្ថិតនៅចម្ងាយប្រហែល ៧២គ.ម ភាគអាគ្នេយ៍ទីក្រុង Mexico City៕ អត្ថបទ៖ សារ៉ាត់