ក្រុមអ្នកបោះឆ្នោតទីម័រខាងកើតបានធ្វើដំណើរទៅបោះឆ្នោតនៅថ្ងៃអាទិត្យ (២១ ឧសភា)នេះ នៅ​ក្នុងការបោះឆ្នោតសភាមួយ ដែលគណបក្សរបស់ឥស្សរជនតស៊ូលោក Mari Alkatiri គឺ​ជា​អ្នក​ប្រកួត​ប្រជែង​ដ៏សំខាន់។

លោក Alkatiri នាំមុខគណបក្សបដិវត្តន៍ FRETILIN ជាមួយនឹងគូប្រជែង​ដ៏សំខាន់​របស់​ពួក​គេ​នៅ​​ក្នុង​ការបោះឆ្នោតនេះ ត្រូវបានគេរំពឹងថា នឹងជា​គណបក្ស​សមាជ​ជាតិ​ ដើម្បី​ស្ថាបនា​ទីម័រ​ឡើង​វិញ (CNRT) ដែលដឹកនាំដោយវីរបុរសឯករាជ្យលោក Xanana Gusmao ។

គណបក្សមានសំឡេងភាគច្រើនក្នុងសភានឹងតែងតាំងជានាយករដ្ឋមន្ត្រីបន្ទាប់ ដែលត្រូវ​បាន​គេ​រំពឹងថា​នឹង​បានទៅលើលោក Alkatiri ឬលោក Gusmao អាស្រ័យលើលទ្ធផលបោះឆ្នោត។ ការ​ស្ទង់​មតិមួយ​ចំនួនបានបង្ហាញថាគណបក្សស្ថាបនាទីម័រឡើងវិញ CNRT មានលទ្ធផលនាំមុខ។

លោក Alkatiri ធ្លាប់ធ្វើជានាយករដ្ឋមន្ត្រីទីមួយរបស់ទីម័រខាងកើត បន្ទាប់ពីប្រទេសនេះ បាន​ប្រកាស​ឯករាជ្យ​របស់ខ្លួនជាផ្លូវការក្នុងឆ្នាំ ២០០២ និងបាន​បង្កើត​គណៈ​រដ្ឋ​មន្ត្រី​របស់​រដ្ឋាភិបាល​ស្រប​តាម​រដ្ឋធម្មនុញ្ញលើកដំបូងរបស់ខ្លួន។ លោកក៏ទទួលបានភាពលេចធ្លោផងដែរក្នុងនាមជាអ្នកនយោបាយមូស្លីមក្នុងប្រទេសកាន់សាសនា​គ្រឹស្ត​និកាយកាតូលិកដ៏លើសលុបមួយនេះ៕ អត្ថបទ៖ ស្រីទាវ