ខ្សែវីដេអូដែលសាក្សីឃើញផ្ទាល់ភ្នែកបានថតជាប់ការរឹតបន្តឹងសន្តិសុខនៅកន្លែងកើតហេតុ នៃ​ការ​បាញ់ប្រហារ ដែលមនុស្សធ្វើឲ្យមនុស្ស​យ៉ាងហោចណាស់ ១០នាក់ បាន​ស្លាប់ និង​៩នាក់​ទៀត​ត្រូវ​រង​របួស នៅភាគខាងជើងរដ្ឋ Baja California ប្រទេសម៉ិកស៊ិក កាលពីថ្ងៃសៅរ៍ (២០ ឧសភា)។

ឧទ្ធម្ភាគចក្រឆ្មាំជាតិមួយគ្រឿង បានហោះពីលើកន្លែងឧក្រិដ្ឋកម្ម ហើយនៅ​ទីនោះក៏​មាន​រថយន្ត​យោធា និងរថយន្តនគរបាលជាច្រើនគ្រឿងនៅជិតតំបន់ដែលត្រូវបិទនេះផងដែរ។

ការវាយប្រហារនោះ បានកើត​ឡើង​អំឡុង​ពេលកម្ម​វិធី​ប្រណាំង​រថយន្ត​មក​ពី​គ្រប់​ទិស​ទី​នៅ​ក្នុង​តំបន់​ San Vicente នៃទីក្រុង Ensenada ។ ប្រហែលម៉ោង ២:១៨នាទី រសៀល (ម៉ោង​សកល)​ ជនដៃដល់ដែលមានកាំភ្លើងវែង បានចេញពីរថយន្តពណ៌ប្រផេះ ហើយ​បាន​ចាប់​ផ្តើមបាញ់​ប្រហារទៅ​លើក្រុមអ្នកចូលរួមនៅឯស្ថានីយប្រេងឥន្ធនៈមួយកន្លែង នេះ​បើ​យោង​តាម​របាយ​ការណ៍ នៃ​ការហៅទូរស័ព្ទរបស់សេវាសង្គ្រោះបន្ទាន់ ៩១១ ។

នគរបាលក្រុង និងរដ្ឋ កងកម្លាំងម៉ារីន នាយកដ្ឋានពន្លត់អគ្គិភ័យ ព្រម​ទាំង​កាក​បាទ​ក្រហម​ម៉ិក​ស៊ិក ក្នុងចំណោមភ្នាក់ងារផ្សេងទៀត បានទៅដល់កន្លែងកើតហេតុ។

អភិបាលក្រុងលោក Armando Ayala Robles បាននិយាយថា អគ្គរដ្ឋអាជ្ញារដ្ឋលោក Ricardo Ivan Carpio Sanchez បានចាត់តាំងក្រុមពិសេសមួយក្រុម ដើម្បី​ស៊ើប​អង្កេត​លើ​ការ​បាញ់​ប្រហា​រ​នេះ៕ អត្ថបទ៖ ស្រីទាវ