ទីក្រុង Udaipur ភាគខាងជើងនៃប្រទេសឥណ្ឌា បានឃើញរថយន្តសង្គ្រោះដើមឈើមួយ បាន​បើក​នៅជុំវិញតំបន់នេះ ក្នុងគោលបំណងពិនិត្យមើលរុក្ខជាតិនៅតាមដងផ្លូវ និងផ្តល់ការ ថែទាំដែ ល​ត្រូវការដល់ពួកវាកាលពីថ្ងៃសៅរ៍ (២០ ឧសភា) ។

រថយន្តសង្គ្រោះដើមឈើ ដែលជាគំនិតផ្តួចផ្តើមដោយអង្គការក្រៅរដ្ឋាភិបាល Namokar Seva Sansthan មានគោលបំណងធ្វើឱ្យទីក្រុងកាន់តែមានពណ៌បៃតងដោយដាំដើមឈើបន្ថែមទៀត និងថែទាំវាជាប្រចាំ។

ប្រធានអង្គការ Namokar Seva Sansthan លោក Mukesh Jain បាននិយាយថា "រថយន្ត​សង្គ្រោះ​ដើម​ឈើបា​ន​ដឹកសម្ភារៈចាំបាច់ទាំងអស់ និងអ្នកស្ម័គ្រចិត្តចំនួន៣នាក់ ដើម្បីដាំកូនឈើ បន្ថែមជី និងដំឡើងរបងការពារជុំវិញដើមឈើទាំងនោះ។ បន្ទាប់ពីដំឡើងរួច ប្រសិន​បើ​របង​ការពារ​ដើមឈើនោះបាក់ ឬត្រូវបានគេលួច ឬមានគ្រោះថ្នាក់ណាមួយកើតឡើងលើដើមឈើនោះ រថយន្តសង្គ្រោះនឹងចុះទៅជួសជុល” ។

អ្នកស្រុកនៅទីក្រុង Udaipur ក៏ហាក់បីដូចជាមានសង្ឃឹមចំពោះគំនិតផ្តួចផ្តើមដែលបានដំណើរការអស់រយៈពេលប្រាំឆ្នាំកន្លងមកនេះ។

អ្នកស្ម័គ្រចិត្តនៅអង្គការ Namokar Seva Sanasthan បានដាំកូនឈើចំនួន ៥.២៥០ ដើមនៅចំណុចផ្លូវប្រសព្វសំខាន់ៗមួយចំនួននៃទីក្រុងរហូតមកដល់ពេលនេះ៕ អត្ថបទ៖ ស្រីទាវ