ភ្នំពេញ៖ អាជីវកដែលមានជីវភាពខ្វះខាត ក្នុងផ្សារចំនួន០៦ ក្នុងចំណោមផ្សារទាំង២៥ បានទទួលបណ្ណសមាជិកបេឡាជាតិរបបសន្តិសុខសង្គម (ប.ស.ស) សរុបចំនួន១៣៥៩នាក់។

ជាក់ស្ដែងនៅថ្ងៃទី២២ ខែឧសភា ឆ្នាំ២០២៣ លោក កៀង ល័ក្ស អនុប្រធានគណៈឃោសនា​អប់រំ​ប្រតិកម្មរហ័សរាជធានីភ្នំពេញ ​តំណាងដ៏ខ្ពង់ខ្ពស់​ឯកឧត្តម ឃួង ស្រេង ប្រធានគណៈកម្មាធិការ​គណបក្ស​រាជធានីភ្នំពេញ ​បានចាត់ក្រុមការងារចុះជួបសំណេះសំណាល​ជាមួយសមាជិក​ សមាជិកា ជាអាជីវករផ្សារ ដែលទើបទទួលបណ្ណសមាជិកបេឡាជាតិរបបសន្តិសុខសង្គម (ប.ស.ស) សរុបចំនួន០៦ផ្សារបន្ថែមទៀត ចំនួន ១៣៥៩ បណ្ណ រួមមាន៖ ផ្សារស៊ិនជូរីផ្លាហ្សា , ផ្សារបឹងកេងកង , ផ្សារចាក់អង្រែ , ផ្សារដេប៉ូ , ផ្សារទួលគោក និង ផ្សារអូរឡាំពិក។

អាជីវកដែលមានជីវភាពខ្វះខាត ដែលទទួលបានបណ្ណ ប.ស.ស ​បានលើកឡើងថា ពួកគាត់ មាន​ទឹកចិត្តសប្បាយ​រីករាយយ៉ាងខ្លាំង​ ចំពោះទឹកចិត្ត​មេត្តា​របស់សម្តេចតេជោ និង​សម្តេចកិត្តិព្រឹទ្ធិបណ្ឌិត​ដែលតែងតែគិតគូរជួយសម្រាលជីវភាព ​និងទុក្ខលំបាករបស់ពួកគាត់​ជាប់ជាប្រចាំ។

ជាមួយគ្នានេះពួកគាត់​សូមធ្វើការ​ប្តេជ្ញា​ចិត្តថា នឹង​បោះឆ្នោតជូនគណបក្សប្រជាជនកម្ពុជា ដើម្បី​សម្តេចតេជោ​ បានបន្តការដឹកនាំប្រទេសគ្រប់អាណត្តិ ​ដើម្បីរក្សាបាននូវ​សុខសន្តិភាព និង​ប្រទេសជាតិ​មាន​ការ​អភិវឌ្ឍជឿនលឿន​ដូចអរិយប្រទេស ​សម្រាប់ទុកជា​កេរ្តិ៍ ដំណែល​ឱ្យយកូនចៅជំនាន់ក្រោយៗទៀត៕