រោងចក្រសម្ភារៈសំណង់ប្រតិបត្តិការដោយរូបយន្ត ត្រូវបានបើកសម្រាប់ប្រតិបត្តិការពិសោធន៍នៅទីក្រុង Basra ប្រទេសអ៊ីរ៉ាក់ ក្នុងគោលដៅដើម្បីផលិតផលិតផលគុណភាពខ្ពស់សម្រាប់ការប្រើប្រាស់ក្នុងស្រុក និងការនាំចេញទៅក្រៅប្រទេស ។
យោងតាមការអះអាងរបស់ម្ចាស់រោងចក្រ បានឲ្យដឹងថា រោងចក្រដែលប្រើប្រាស់រូបយន្តជំនាន់ទី៥នេះ នឹងផលិតសារធាតុគីមីជ័រកាវប្រហែល១៦ប្រភេទជាមួយសមត្ថភាពផលិតប្រចាំឆ្នាំ ប្រហែល៤០ម៉ឺនតោន ។
ដោយពឹងផ្អែកលើរូបយន្តទាំងនេះ ប្រធានរោងចក្រ សង្ឃឹមថា វានឹងអាចសន្សំពេលវេលា និងកាត់បន្ថយកំហុសនៅក្នុងខ្សែសង្វាក់ផលិតកម្ម ។
លោក Mohammad al-Moussawi គឺជាប្រធានរោងចក្រ និយាយថា ការងាររបស់រូបយន្ត គឺត្រូវលាយសម្ភារៈ និងបន្ថែមសារធាតុគីមីលើចំណុចជាក់លាក់នៃផលិតកម្ម ដែលអាចមិនបង្កឲ្យមានកំហុសបង្កើតឡើងបាន ។
លោកបន្តថា រូបយន្តនឹងប្រតិបត្តិការការកំណត់ដ៏ត្រឹមត្រូវ ពេលលាយសម្ភារៈហើយនិងធ្វើឲ្យសម្ភារៈទទួលបានការធានារយៈពេលពី២៥ឆ្នាំដល់៣០ឆ្នាំ ដោយសារតែការផលិតដ៏ត្រឹមត្រូវរបស់រូបយន្ត ។
សូមបញ្ជាក់ថា រោងចក្រនេះ ស្ថិតនៅជិតព្រំដែនអ៊ីរ៉ាក់-គូវ៉ែត ក៏ដូចជានៅជិតកំពង់ផែ Umm Qasr សម្រាប់ផែនការអនាគតទាំងការឈានដល់តម្រូវការក្នុងស្រុក និងការនាំចេញទៅកាន់ប្រទេសជិតខាង៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
