​កាលពី​ថ្ងៃអាទិត្យ​ម្សិលមិញ ស​ម្តេ​ច​ប៉ាប Francis បាន​អំពាវនាវ​ដល់​ភាគី​បង្ក​សង្គ្រាម​ទាំង​២​នៅក្នុង​ប្រទេស​ស៊ូដង់ ឲ្យ​ទម្លាក់អាវុធ​ចុះ ហើយ​ទ្រង់​បានបង្ហាញ​ភាព​ក្រៀមក្រំ​ជាខ្លាំង ចំពោះ​អំពើហិង្សា​ដែល​បាន​បន្ត​កើតឡើង​អស់​រយៈពេល​ជាង ១​ខែ​នៅក្នុង​ប្រទេស​អាហ្វ្រិក​មួយ​នេះ។

​សម្តេច​ប៉ាប បាន​មាន​ព្រះបន្ទូល​ទៅកាន់​ក្រុម​ធម្ម​យាត្រា​នៅ​ទីលាន​ចតុរង្គ St Peter's Square ថា ជាការ​ជំរុញ​ឲ្យ​មាន​កិច្ចព្រមព្រៀង​ដោយ​ផ្នែក មកទល់នឹង​ពេលនេះ ព្រះអង្គ​សូម​ធ្វើការ​អំពាវនាវ​ដោយស្មោះ​អស់ពី​បេះដូង​របស់​ទ្រង់ សូម​ឲ្យ​ទម្លាក់អាវុធ​ចុះ។

​ព្រះអង្គ​បាន​មាន​ព្រះបន្ទូល​ទៀតថា ព្រះអង្គ​សូម​អំពាវនាវ​ដល់​សហ​គម​ន៍​អន្តរជាតិ ត្រូវតែ​ខិតខំ​ធ្វើ​ឲ្យ​កិច្ចពិភាក្សា​សម្រេចបាន​ជោគជ័យ និង​ដើម្បី​ធ្វើ​ឲ្យ​ទុក្ខលំបាក​ប្រជាពលរដ្ឋ​អាច​ធូរស្រាល​បាន។

​គួរ​ឲ្យ​ដឹងថា ការប្រយុទ្ធ​គ្នា​រវាង​កងទ័ព​ស៊ូដង់ និង​កងកម្លាំង​គាំទ្រ​រហ័ស (RSF)​នាំ​ឲ្យ​បាត់​សណ្តាប់ធ្នាប់​នៅ​ទូទាំងប្រទេស។ ភាគី​បង្ក​សង្គ្រាម​នៅ​ស៊ូដង់ បាន​ចុះហត្ថលេខា​លើ​កិច្ចព្រមព្រៀង​កាលពី​ល្ងាច​ថ្ងៃ​សៅរ៍​ចុង​សប្តាហ៍​មុន សម្រាប់​បទ​ឈប់​បាញ់​រយៈពេល​ ៧​ថ្ងៃ ដែល​ចូល​ជា​ធរមាន​ចាប់ពី​ថ្ងៃ​ចន្ទ​នេះ​តទៅ៕​