កំពង់ស្ពឺ៖ ដើម្បីចូលរួមចំណែកជាមួយរាជរដ្ឋាភិបាល ក្នុងស្ថានភាពជួបវិបត្តិធ្ងន់ធ្ងរដោយសារកូវីដ១៩ ឯកឧត្ដមឧត្តមសេនីយ៍ឯក សៅ សារឿន អគ្គនាយករង អគ្គនាយកដ្ឋានយោធសេវា នាយក នាយកដ្ឋានកិច្ចការ យោធា ស៊ីវិលក្រសួងការពារជាតិ និងលោកជំទាវ រួមជាមួយនាយទាហាន ក្នុងនាយកដ្ឋាន និងសប្បុរសជន បាននាំយកអំណោយជាគ្រឿង ឧបភោគ បរិភោគនិងបច្ច័យមួយចំនួន ប្រគេនដល់ ព្រះមុនីតាលវ័ន្ត មួង ចក្រី ព្រះមេគណខេត្តកំពង់ស្ពឺ គង់នៅវត្ត សាមគ្គីធម្មារាមឆែមនួន ហៅវត្ត (ត្រពាំង តា មាន់) និងមួយផ្នែកសម្រាប់ព្រះសង្ឃ បរិច្ចាគទានបន្តជូនប្រជាពលរដ្ឋដែលមានជីវភាពខ្វះខាត និងកំពុងរស់នៅក្នុងតំបន់បិទខ្ទប់ដោយសារកូវីដ១៩។
ឯកឧត្តម សៅ សារឿន បានមានប្រសាសន៍នាំនូវការសួរសុខទុក្ខពីប្រមុខរាជរដ្ឋាភិបាល ប្រគេនចំពោះព្រះសង្ឃ គ្រប់អង្គ ប្រជាពុទ្ធបរិស័ទចំណុះ ជើងវត្ត ប្រកបដោយក្តីនឹករលឹក និងបានសំណូមពរដល់បងប្អូនប្រជាពលរដ្ឋទាំងអស់ សូមមានការអត់ធ្មត់ និងគោរពតាមវិធានការ ៣ការពារ ៣កុំ និងអនុវត្តន៍ឲ្យបានល្អតាមសេចក្តីសម្រេចស្តីពីវិធានការដែលត្រូវអនុវត្តក្នុងអំឡុងពេលបិទខ្ទប់ក្នុងភូមិសាស្ត្រ ភូមិ ស្រុក មួយចំនួន ដើម្បីរួមគ្នាទប់ស្កាត់ការឆ្លងរីករាលដាលកូវីដ១៩ និងកាត់ផ្តាច់នៃការឆ្លងនៃព្រឹត្តិការណ៍ ២០ កុម្ភៈ ឲ្យឆាប់បានវិលទៅរកស្ថានភាពធម្មតាវិញ។
អំណោយជាទ័យទានដែលនាំយកប្រគេន ព្រះមេគណខេត្តកំពង់ស្ពឺ គង់នៅក្នុងវត្តសាមគ្គីធម្មារាមឆែមនួន ហៅវត្ត (ត្រពាំង តាមាន់ ) ស្ថិតក្នុងឃុំ ព្នាយ ស្រុកសំរោងទង នាឱកាសនេះ គឺបានមក ពីគំនិតផ្តួច ផ្តើមពី ឯកឧត្តម នាយទាហាន នាយទាហានរងនិងពលទាហាននៅក្នុងនាយកដ្ឋាន កិច្ចការយោធាស៊ីវិល ក្រសួងការពារ ជាតិរួមជាមួយ សប្បុរសជនជិត ឆ្ងាយ មានគ្រឿង ឧបភោគ បរិភោគ ដែលរួម មាន អង្ករ៣ តោន មី ៨០ កេស ទឹកស៊ីអ៊ីវ ២០យួ ស្រី ខ ៩កេស ព្រមទាំងសម្ភារៈប្រើប្រាស់និងបច្ច័យ មួយចំនួនសម្រាប់ប្រគេណព្រះសង្ឃ និងមួយចំនួនទៀតតាម រយៈព្រះសង្ឃ ដើម្បីបរិច្ចាទានទាំងនោះជូន ដល់បងប្អូនប្រជាពលរដ្ឋនិងកម្មករ និយោជិត ដែលកំពង់ជួបក្នុងវិបត្តិកូវីដ.១៩ ជាសកល នៅក្នុងភូមិសាស្ត្របិទខ្ទប់នៅតាមបណ្តាភូមិឃុំ និងស្រុកមួយចំនួន ក្នុងភូមិសាស្ត្រ ខេត្តកពង់ស្ពឺ។
ព្រះមុនីតាលវ័ន្ត មួង ចក្រី ព្រះមេគណខេត្តកំពង់ស្ពឺ បានមានសង្ឃដិការថ្លែង អំណរគុណ យ៉ាង ជ្រាល ជ្រៅបំផុត ចំពោះកាយវិការប្រកបដោយមនុស្សធ៌ម របស់ឯកឧត្តមសៅ សារឿន និងលោកជំទាវ ព្រមទាំងនាយទាហាន នាយទាហានរងនិងពលទាហាន រួមជាមួយ សប្បុរសជន បាននាំមកនូវគ្រឿងឧបភោគ បរិភោគ និងបច្ច័យ ប្រគេនដល់កង្វះខាតក្នុងទីអារាម ព្រមទាំង ប្រជាពលរដ្ឋ នារយៈពេលអនុវត្តវិធាន ការ បទខ្ទប់ក្នុងវិបត្តិកូវីធ្ងន់ធ្ងរនាពេលកន្លងមកនេះ ព្រមទាំងការកែ សម្រួលភូមិសាស្ត្របិទខ្ទប់ភូមិសាស្ត្រ ទាំងនោះ មានទំហំតូចជាងមុនវិញ។ ព្រះមុនីតាលវ័ន្ត មួង ចក្រី បានមានសង្ឃដីកាថា កន្លងមក នេះព្រះសង្ឃ បានបរិច្ចាគទាន ជូនប្រជាពលរដ្ឋទីទាល់ក្រក្នុងភូមិសាស្ត្រជិតទីអារាមនេះបានប្រហែងជា២០០គ្រួសារ។ សម្រាប់ថ្ងៃ នេះ ព្រះសង្ឃនឹង ខិតខំព្យាយាមនាំយកអំណោយ សប្បុរសធម៌ទាំងនេះទៅចែកជូនដល់ប្រជាពលរដ្ឋនិងកម្មករ និយោជិត ដែកកំពង់រស់នៅក្នុងតំបន់បទខ្ទប់មុនគេ និងជួយដល់ប្រជាពលរដ្ឋដែលមានជីវភាពក្រីក្របំផុត៕ អត្ថបទ៖ មុត សុទ្ធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
