សហជីពជាច្រើននៅក្នុងប្រទេសប៊ែលហ្ស៊ីក បានធ្វើបាតុកម្មទូទាំងប្រទេសកាលពីថ្ងៃចន្ទ ដើម្បីតវ៉ាប្រឆាំងលក្ខខណ្ឌការងារមិនរឹងមាំ និងការធ្លាក់ចុះកាន់តែយ៉ាប់យ៉ឺននូវសិទ្ធិរបស់ពួកគេដើម្បីធ្វើកូដកម្ម។ ការតវ៉ាកាលពីថ្ងៃចន្ទគឺជាការតវ៉ាចុងក្រោយក្នុងបាតុកម្មជាបន្តបន្ទាប់ប្រឆាំងការសម្រេចចិត្តធ្វើឡើងដោយបណ្តាញផ្សារទំនើប Delhaize កាលពីខែមីនា ដើម្បីផ្លាស់ប្តូរហាងចំនួន១២៨កន្លែងនៅទូទាំងប្រទេស ដែលបច្ចុប្បន្នទីផ្សារទំនើបនេះ បានត្រៀមទទួលយកអាជ្ញាប័ណ្ណផ្តាច់មុខ។ ការសម្រេច ដោយមានគំនិតដោះស្រាយការកើនឡើងតម្លៃ ថាមពល ការធ្លាក់ចុះកម្រិតប្រាក់ចំណេញ និងអតិផរណាដែលហក់ឡើងខ្ពស់ ទោះជាយ៉ាងណាវាបានប៉ះពាល់ដល់សិទ្ធិបុគ្គលិកផ្សារទំនើប ដែលបង្កឲ្យមានការតវ៉ាជាច្រើនលើក។
ក្រុមបាតុកររាប់ពាន់នាក់ បានចេញធ្វើបាតុកម្មកាលពីថ្ងៃចន្ទ ដោយស្រែកពាក្យផ្សេងៗដើម្បីតវ៉ាប្រឆាំង ទង្វើមិនទទួលខុសត្រូវរបស់រដ្ឋាភិបាលនិងក្រុមហ៊ុននានា ខណៈអំពាវនាវដល់ភាគីទាំងពីរឲ្យចាត់វិធានការដើម្បីការពារបុគ្គលិកពីផលប៉ះពាល់នៃការកើនឡើងតម្លៃទំនិញនៅទីផ្សារ។ ក្រុមបាតុករ និយាយថា តម្លៃអាហារដែលឡើងខ្ពស់ បានជំរុញពលរដ្ឋជាច្រើនរួចទៅហើយឲ្យធ្លាក់ជិតដល់ស្ថានភាពក្រីក្រ។ អ្នករៀបចំការតវ៉ា លោកស្រី Katrien Van Sinay បាននិយាយថា ផែនការអាជីវកម្ម បានប៉ះពាល់ដល់សិទ្ធិរបស់បុគ្គលិក ដែលចាត់ទុកថាមិនអាចទទួលយកបាន។
លោកស្រី Sinay និយាយថា បច្ចុប្បន្នយើងចង់ឲ្យរដ្ឋាភិបាលផ្តល់សញ្ញាមួយជាវិធីដែលពួកគេធ្វើចំពោះបុគ្គលិកបម្រើការងារ ។ យើងស្នើសុំស្ថានភាពថ្មី យើងស្នើសុំច្បាប់ថ្មី ព្រោះបច្ចុប្បន្ននយោជិកម្នាក់ អាចសម្រេចផ្តល់ហាងរបស់គាត់ នោះហើយជាស្ថានភាពនៅក្នុងផ្សារទំនើប Delhaize ដែលពួកគេសម្រេចចំពោះហាង។ ហើយពលរដ្ឋ ដែលជាបុគ្គលិកមានសិទ្ធតិចតួច ព្រោះពួកគេមានមានឋានៈតូចជាង។
ក្រុមអ្នកតវ៉ា បានរិះគន់ការបាត់បង់សិទ្ធិរបស់ពួកគេក្នុងការធ្វើកូដកម្ម និងបានអំពាវនាវឲ្យមានការការពារប្រាក់ឈ្នួលរបស់បុគ្គលិក។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
