សិស្សនៅសាលា Reddam House ក្នុងទីក្រុង Berkshire ប្រទេសអង់គ្លេស កំពុងប្រើប្រាស់កាសរូបនិមិត្ត VR ដើម្បីចូលទៅក្នុងចក្កវាឡនិមិត្តសម្រាប់មេរៀនអន្តរកម្មចម្រុះ រាប់ចាប់ពីការចូលទៅជិត និងដោយផ្ទាល់ជាមួយសត្វដំរីយុគទឹកកករោមប្រហម រហូតដល់ការគ្រប់គ្រងភពនានានៃប្រព័ន្ធព្រះអាទិត្យ។

សាលាចក្កវាឡនិមិត្តនេះ កំពុងត្រូវបានបង្កើតឡើងដោយវិទ្យាស្ថានអប់រំ Inspired Education Group ដោយប្រើប្រាស់សាលា រៀនជាក់ស្តែង Reddam House ដ៏មានកិត្យានុភាពរបស់ពួកគេ ជាទីតាំងរូបនិមិត្តសម្រាប់សិស្សានុសិស្សទូទាំងពិភពលោក។

លោក Ashley Harrold នាយកប្រតិបត្តិនៃសាលាអនឡាញ បានប្រាប់សារព័ត៌មានរ៉យទ័រថា គម្រោងសាកល្បងនេះ នឹងអាចចូលប្រើប្រាស់បានពីគ្រប់ទីកន្លែងក្នុងពិភពលោកដោយសិស្សានុសិស្សជាផ្នែកមួយនៃវិទ្យាស្ថានអប់រំ Inspired Education Group នេះ។

ដោយស្ថិតនៅលើផ្ទៃដីជាង ១០០ ហិចតានៃតំបន់ជនបទភាគខាងលិចនៃទីក្រុងឡុងដ៍ ជាវិមានជ័យជម្នះដ៏ប្រណីតដែលឥឡូវនេះក្លាយជាសាលារៀនមានតាំងពីដើមសតវត្សទី១៩ ។ 'បច្ចេកវិទ្យាកូនភ្លោះ' របស់សាលានេះ ត្រូវបានបង្កើតឡើងដោយការភ្ជាប់រូបភាពរាប់ពាន់សន្លឹកជាមួយនឹងមេរៀនកាសនិមិត្តជាច្រើន ដែលធ្វើឡើងនៅមុខវិមានដែលបង្កើតដោយកុំព្យូទ័រ។

មុខវិជ្ជាដែលរួមមានវិទ្យាសាស្ត្រ ប្រវត្តិសាស្ត្រ សិល្បៈ និងភូមិសាស្ត្រ សុទ្ធតែត្រូវបានបង្កើតឡើងជាថ្មីដោយសិស្សានុសិស្សដែលធ្វើការរួមគ្នានៅការប្រើកាសរូបនិមិត្ត VR ៕