​

​នាយករដ្ឋមន្ត្រី​អូស្ត្រាលី លោក Anthony Albanese បាន​ជួប​ជាមួយ​លោក Narendra Modi សម​ភាគី​ឥណ្ឌា​របស់លោក នៅក្នុង​ទីក្រុង Sydney នៅ​ថ្ងៃ​ពុធ​ទី​២៤ ខែឧសភា​នេះ ដើម្បី​ពិភាក្សា​អំពី​សន្តិសុខ​តំបន់ និង​ទំនាក់ទំនង​សេដ្ឋកិច្ច និង​បាន​ចុះហត្ថលេខា​លើ​កិច្ចព្រមព្រៀង​អន្តោប្រវេសន៍ ដើម្បី​ជំរុញ​ឲ្យ​និស្សិត​ឥណ្ឌា និង​ពាណិជ្ជករ​ធ្វើដំណើរ​ទៅកាន់​ប្រទេស​អូស្ត្រាលី​។​

​លោក Albanese និង​លោក Modi បាន​និយាយថា ប្រទេស​កិច្ចសន្ទនា​យុទ្ធសាស្ត្រ Quad ទាំងពីរ បាន​ពិភាក្សា​ពី​ពាណិជ្ជកម្ម អន្តោប្រវេសន៍ ថាមពល​កកើត​ឡើងវិញ និង​បាន​បង្កើត​ក្រុមការងារ​ពិសេស​ផ្នែក​ថាមពល​អ៊ី​ដ្រូ​ហ្សែ​ន ដើម្បី​ពង្រីក​កិច្ចសហប្រតិបត្តិការលើ​វិស័យ​ថាមពល​ស្អាត​។​

​លោក Modi បាន​ប្រាប់​អ្នកសារព័ត៌មាន​ថា លោក និង​លោក Albanese ក៏បាន​ពិភាក្សា​អំពី​ភាពជា​ដៃគូ​យុទ្ធសាស្ត្រ​គ្រប់​ជ្រុងជ្រោយ​ឥណ្ឌា​-​អូស្ត្រាលី ឲ្យ​ឈានដល់​កម្រិត​កាន់តែ​ខ្ពស់​ក្នុង​ទសវត្សរ៍​ខាងមុខនេះ​។

​ប្រទេស​អូស្ត្រាលី ដែល​ដៃគូ​ពាណិជ្ជកម្ម​ធំ​បំផុត​របស់ខ្លួន គឺ​ប្រទេស​ចិន​នោះ កំពុង​ព្យាយាម​ធ្វើ​ពិពិធ​កម្ម​ទីផ្សារ​នាំចេញ​របស់ខ្លួន រួមទាំង​ការបង្កើត​ទំនាក់ទំនង​ពាណិជ្ជកម្ម​កាន់តែ​ជិតស្និទ្ធ​ជាមួយ​ប្រទេស​ឥណ្ឌា តាមរយៈ​កិច្ចសហប្រតិបត្តិការ​ដែល​បាន​បង្កើន លើ​ការធ្វើ​អាជីវកម្ម​រ៉ែ និង​សារធាតុ​រ៉ែ​សំខាន់ៗ​ដទៃទៀត​៕