​

​ពិព័រណ៍​ដែនអាកាស​និង​ដែនសមុទ្រ​អន្តរជាតិ​កោះ Langkawi លើក​ទី​១៦ បាន​បើក​កាលពី​ថ្ងៃ​អង្គារ នៅ​កោះ​ប្រទេស​ម៉ាឡេស៊ី ភាគ​ខាងជើង​បន្ទាប់ពី​ផ្អាក​រយៈពេល ​៤​ឆ្នាំ​។ ពិធី​បើក​ដោយមាន​ពិព័រណ៍​ដែនអាកាស​នៅខាងមុខ​មជ្ឈមណ្ឌល​ពិព័រណ៍​អន្តរជាតិ Mahsuri ត្រូវបាន​ធ្វើឡើង​ដោយមាន​វត្តមាន​រដ្ឋមន្ត្រី​ក្រសួងការពារជាតិ​ម៉ាឡេស៊ី​លោក Datuk Seri Mohamad Hasan និង​រដ្ឋមន្ត្រីក្រសួង​ដឹកជញ្ជូន លោក Anthony Loke Siew Fook។

​ពិធី​នេះ​រួមមាន​ទាំង​សមយុទ្ធ​ប្រយុទ្ធ​របស់​កងកម្លាំង​ពិសេស និង​ការបង្ហាញ​ការអុជ​កាំជ្រួច​ភ្ញី​។ តប​តាម​ការអញ្ជើញ​របស់​អ្នករៀបចំ ក្រុម​សម្តែង​លើ​អាកាស Bayi របស់​កងទ័ពអាកាស​កងទ័ព​រំដោះប្រជាជន​ចិន (PLA) បាន​សម្តែង​ជា​លើកដំបូង​របស់ខ្លួន​នៅ​បរទេស​ដោយ​ប្រើប្រាស់​យន្តហោះ​ប្រដេញ​J-10c​។

​យន្តហោះ​ប្រដេញ​J-10c ជា​យន្តហោះ​ល្បឿន​លឿន​ជាង​សំឡេង ជា​យន្តហោះ​ពហុមុខ​ងារ ត្រូវបាន​ផលិតឡើង​ដោយ​ឯករាជ្យ​ដោយ​ប្រទេស​ចិន មាន​សមត្ថភាព​រក្សាបាន​ភាព​ដាច់​គេ​ដែនអាកាស​រយៈ​ចម្ងាយ​មធ្យម និង​ជិត ហើយ​អាច​វាយប្រហារ​ទាំង​លើដី និង​គោលដៅ​នៅ​សមុទ្រ​។​

​នាវា​ពិឃាត​បំពាក់​ដោយ​មី​ស៊ី​ល​សមត្ថភាព​ប្រយុទ្ធ​និង​ការពារ​ប្រើ​ប្រព័ន្ធ​ទូរបញ្ជា​របស់​កងទ័ព​ជើង​ទឹក​កងទ័ព​រំដោះ​ប្រជាជន​ចិន Zhanjiang បាន​មកដល់​ក្នុង​ដែនទឹក​ជិត​កោះ Langkawi ដើម្បី​ចូលរួម​ក្នុង​ពិ​ព័រ​ណ៌​នេះ ដែល​កំណត់​ពេលធ្វើ​ពីថ្ងៃ​អង្គារ​ដល់​ថ្ងៃ​សៅរ៍​។

​ដោយ​ចាប់​ផ្តើមដំបូង​ក្នុង​ឆ្នាំ​១៩៩១ ព្រឹត្តិការណ៍​ដែល​កើតឡើង​ពីរដង​ក្នុង​មួយឆ្នាំ គឺជា​វេទិកា​មួយ​ច​ម្រា​ប់​កម្មវិធី​ផ្សេងៗ​គ្នា ក្នុង​ឧស្សាហកម្ម​ដែនសមុទ្រ​និង​ដែនអាកាស ដែល​នាំមក​នូវ​ការជួប​ជុំគ្នា​រវាង​អ្នកតំណាង​នៃ​វិស័យ​ដែល​ពាក់ព័ន្ធ ព្រមទាំង​មន្ត្រី និង​អ្នកធ្វើការ​សម្រេចចិត្ត​មកពី​ប្រទេស​ជាច្រើន​៕