​កំពូល​តារាចម្រៀង លោកស្រី Tina Turner ដែល​ពេលខ្លះ​គេ​ដាក់រ​ហ្ស័​សនាម​ថា​រាជិនី​ចម្រៀង "Queen of Rock 'n' Roll" បានទទួល​មរណភាព​កាលពី​ថ្ងៃ​ពុធ​ទី​២៤ ឧសភា ក្នុង​វ័យ​៨៣​ឆ្នាំ​។

​ពិធី​គោរព​វិញ្ញាណក្ខន្ធ​កំពុង​ធ្វើឡើង​នៅ​ទូទាំង​ពិភពលោក​សម្រាប់​តារាចម្រៀង​រ៉ុ​ក Tina Turner ដែល​បានទទួល​មរណភាព​ក្រោយ​សាង​កេរ្តិ៍​ឈ្មោះ​ក្នុង​អាជីព​ចម្រៀង​រយៈពេល​៥​ទសវត្សរ៍​។

​សេចក្ដីថ្លែងការណ៍​មួយ​ពី​អ្នកនាំពាក្យ​របស់​តារាចម្រៀង​រូបនេះ បាន​និយាយ​កាលពី​ពាក់កណ្ដាល​អធ្រាត្រ​ថា “Tina Turner‘​រាជិនី​ចម្រៀង Rock’n Roll’ បានទទួល​មរណភាព​ដោយ​ជរាពាធ​នៅថ្ងៃនេះ នៅ​វ័យ​៨៣​ឆ្នាំ បន្ទាប់ពី​ជំងឺ​រាំ​រ៉ៃ​នៅក្នុង​គេហដ្ឋាន​របស់គាត់ នៅក្នុង​ទីក្រុង​ឃូ​ស្នេ​ក​( Kusnacht)​ជិត​រដ្ឋធានី Zurich ប្រទេស​ស្វី​ស​។

​ការបាត់បង់​លោកស្រី ប្រៀបបាន​ពិភពលោក​បាន​បាត់​ធនធាន និង​ជា​គំរូ​ផ្នែក​តន្ត្រី​។

​ចំណែក​លោកនាយក​រដ្ឋមន្ត្រី​នូវ​វ៉ែល​ហ្ស៊េ​ឡង់ Chris Hipkins បាន​ហៅ​ការបាត់បង់​របស់​កំពូល​តារា​

​ចម្រៀង​រូបនេះ ថា​ជា​ដំណឹង​ដ៏​សោកសៅ​បំផុត​។

​តារាចម្រៀង អ្នករាំ រា​តា​សម្ដែង និង​ជា​អ្នកនិពន្ធ​មាន​ដើមកំណើត​ជា​ជន​អាមេរិក កើត​ក្នុង​រដ្ឋ​ធិ​ន​ណេ​ស៊ី និង​រស់នៅក្នុង​ប្រទេស​ស្វី​ស រូបនេះ បាន​ក្លាយជា​កំពូល​តារាចម្រៀង​លំដាប់​ពិភពលោក ជា​តារា​ជួរមុខ​នៃ​អាល់​ប៊ុ​ម​បទ​ចម្រៀង Ike & Tina Turner Revue មុនពេល​ទទួលបាន​ជោគជ័យ​ក្នុង​អាជីព​សិ​លប្បៈ​ជា​តារា​សម្តែង​ទោល (solo performer)​។

​ចំណែក អ្នកនាំពាក្យ​សេត​វិមាន លោកស្រី ខា​រី​ន ហ្ស​ង់​ព្យែ​(Karine Jean-Pierre)​បាន​និយាយ​កាលពី​ថ្ងៃ​ពុធ​ថា ការស្លាប់​របស់​តារាចម្រៀង Tina Turner គឺជា​ដំណឹង​ដ៏​ក្រៀមក្រំ​មិនគួរ​ឲ្យ​ជឿ និង​ជាការ​បាត់បង់​ដ៏​ធំធេង​សម្រាប់​សហគមន៍​នានា ដែល​ស្រឡាញ់​គាំទ្រ​លោកស្រី និង​ឧស្សាហកម្ម​តន្ត្រី​៕​