ស្ថាបនិកក្រុមហ៊ុន លោក Yevgeny Prigozhin បាននិយាយនៅក្នុងវីដេអូមួយដែលបានចេញផ្សាយនៅថ្ងៃព្រហស្បតិ៍នេះថា ក្រុមទាហានស៊ីឈ្នួលWagner របស់រុស្ស៊ី បានចាប់ផ្តើមដកកងកម្លាំងរបស់ខ្លួនចេញពីទីក្រុង Bakhmut របស់អ៊ុយក្រែន និងផ្ទេរទីតាំងរបស់ខ្លួននៅទីនោះទៅឲ្យកងទ័ពជាតិរុស្ស៊ី។

លោកនិយាយថា យើងកំពុងដកអង្គភាពពីទីក្រុងBakhmut។ ចាប់ពីថ្ងៃនេះ នៅម៉ោង៥ព្រឹក ថ្ងៃទី២៥ ខែឧសភា រហូតដល់ថ្ងៃទី១ ខែមិថុនា អង្គភាពភាគច្រើននឹងបង្កើតមូលដ្ឋានថ្មីទៅកាន់ជំរំជាច្រើននៅខាងក្រោយ។ លោកនិយាយថា យើងកំពុងប្រគល់ទីតាំងជាច្រើនរបស់យើងទៅឲ្យយោធា។

លោក Prigozhin បានប្រកាសពីការដណ្តើមបានទីក្រុង Bakhmut កាលពីថ្ងៃសៅរ៍ បន្ទាប់ពីការប្រយុទ្ធក្នុងសង្គ្រាមដ៏បង្ហូរឈាមនិងមានរយៈពេលយូរបំផុត។

នៅក្នុងវីដេអូចុងក្រោយ លោក Prigozhin ដែលបានបង្ហាញការរិះគន់ជាសាធារណៈដដែលៗចំពោះមន្ត្រីជាន់ខ្ពស់ការពារជាតិរបស់រុស្ស៊ី ដែលបាននិយាយថា កងកម្លាំងរបស់លោក នឹងត្រៀមត្រលប់ទៅកាន់ទីក្រុង Bakhmut វិញប្រសិនបើកងទ័ពជាតិ មិនអាចគ្រប់គ្រងស្ថានភាពបាន។