​ដើម្បី​ប្រារព្ធ​ខួប ៣​ឆ្នាំ ចាប់តាំងពី​មាន​ឃាតកម្ម​លើ​លោក George Floyd ដោយ​នគរបាល​ក្រុង Minneapolis រដ្ឋ Minnesota សហរដ្ឋអាមេរិក ប្រជាជន​សហគមន៍ បានមក​ជួបជុំ នៅ​ទីលាន George Floyd ដែលជា​កន្លែងកើតហេតុ នា​វិថី​លេខ​៣៨ និង Chicago ដើម្បី​អុជ​ទៀន​កាន់ទុក្ខ​នៅ​យប់​ថ្ងៃ​ព្រហស្បតិ៍ អម​ជាមួយនឹង​ការ​ច្រៀង បួងសួង និង​បន្ត​ការអំពាវនាវ​ឲ្យ​មានការ​ផ្លាស់ប្តូរ​។​

​ក្រុមគ្រួសារ និង​មិត្ត​ភ័ក្តិ​របស់​ជនរងគ្រោះ​លោក Floyd ហើយ​សូម្បីតែ​អតីត​គ្រូបង្រៀន​ម្នាក់​មកពី​ទីក្រុង Houston បាន​ចូលរួម​ការអុជ​ទៀន​គោរព​នេះ ដែល​ត្រូវបាន​រៀបចំឡើង​ដោយ​សហគមន៍​មូលដ្ឋាន George Floyd Global Memorial​។​

​អំឡុង​ព្រឹត្តិការណ៍ យប់​ថ្ងៃ​ព្រហស្បតិ៍ នៅឯ​វិថី​លេខ​៣៨ និង Chicago លោក Brian O'Hara បច្ចុប្បន្ន​ជា​មេ​នគរបាល​ក្រុង Minneapolis រដ្ឋ Minnesota និង​អតីត​ប្រធាន លោក Medaria Arradondo បាន​ចូលទៅក្នុង​ទីលាន George Floyd មួយ​ភ្លែត ដើម្បី​ចូលរួម​ការ​ប្រារព្ធ​យា់ង​ប្រុងប្រយ័ត្ន ដោយ​នាំ​ឲ្យ​មាន​កំហឹង​ពី​សមាជិក​មួយចំនួន​នៃ​សហគមន៍ ដែល​បាន​ប្រាប់​ពួកគេ​ថា «​មិន​ស្វាគមន៍​»​។ លោក O'Hara និង Arradondo បាន​សង្កេតមើល​ព្រឹត្តិការណ៍​ពីរ​បី​នាទី​មុនពេល​ចាកចេញ​ជាមួយគ្នា​។

​បុរស​ស្បែក​ខ្មៅ​លោក Floyd បាន​ស្លាប់​បន្ទាប់ពី​ក​របស់គាត់​ត្រូវបាន​ជង្គង់​របស់​មន្ត្រី​ម្នាក់ទៀត​សង្កត់ អំឡុងពេល​ចាប់ខ្លួន​។ ការសម្លាប់ Floyd បាន​បង្ក​ឲ្យ​មានការ​តវ៉ា​នៅ​ទូទាំង​សហរដ្ឋអាមេរិក​។​

​លោក Derek Chauvin ជា​មន្ត្រី​ស្បែក​សម្នាក់​ដែល​បាន​លុតជង្គង់​លើក​របស់លោក Floyd ដែល​ជាប់​ខ្នោះ អស់​រយៈពេល​ជាង​ប្រាំបួន​នាទី ត្រូវបាន​រកឃើញថា មាន​ពិរុទ្ធ​ពីបទ​មនុស្សឃាត​ក្នុង​ឆ្នាំ​២០២១​។ ដោយ​លោក Chauvin បាន​លុតជង្គង់​លើ​កញ្ចឹងក​របស់ Floyd ហើយ​មន្ត្រី​ពីរ​នាក់​ទៀត គឺ​លោក Thomas Lane និង​លោក J. Alexander Kueng ទប់​ជង្គង់ និង​គូទ​របស់លោក Floyd ដែល​បាន​អង្វរ​សុំ​ជីវិត​របស់ខ្លួន មុនពេល​សន្លប់​បាត់មាត់ឈឹង​។ មន្ត្រី​នៅ​កន្លែងកើតហេតុ ក៏ត្រូវ​បាន​ចាប់​ដាក់ពន្ធនាគារ​ផងដែរ​៕​