​

​រដ្ឋមន្ត្រីក្រសួង​ពាណិជ្ជកម្ម​សហរដ្ឋអាមេរិក លោកស្រី Gina Raimondo និង​រដ្ឋមន្ត្រី​ក្រសួងពាណិជ្ជកម្ម​ចិន លោក Wang Wentao បាន​បន្ទោស​គ្នា​លើ​គោលនយោបាយ ពាណិជ្ជកម្ម ការវិនិយោគ និង​ការនាំចេញ នៅក្នុង​កិច្ចពិភាក្សា​កាលពី​ថ្ងៃ​ព្រហស្បតិ៍ ដែល​ត្រូវបាន​អធិប្បាយ​ដោយ​ការ​រិ​យា​ល័យ​របស់​លោកស្រី Raimondo ថា​ជាការ​ពិភាក្សា​ដោយ​ត្រង់​ទៅ​ត្រង់​មក​និង​មាន​សារៈសំខាន់​។

​ជំនួប​របស់​រដ្ឋមន្ត្រី​ទាំងពីរ ក្នុង​ទីក្រុង​វ៉ាស៊ីនតោន គឺជា​ការផ្លាស់ប្តូរ​កម្រិត​គណៈរដ្ឋមន្ត្រី​ចិន​-​អាមេរិក​លើកដំបូង ក្នុង​ប៉ុន្មាន​ខែ​មកនេះ បន្ទាប់ពី​ការរំខាន​ផ្នែក​សន្តិសុខ​ជាតិ និង​ពាណិជ្ជកម្ម ដែល​បាន​បង្អាក់​ដល់​ផែនការ​សម្រាប់​ការប្រាស្រ័យ​ទាក់ទង​ជាថ្មី​រវាង​ប្រទេស​មាន​សេដ្ឋកិច្ច​ធំ​បំផុត​ទាំងពីរ របស់​ពិភពលោក​។

​ក្រសួងពាណិជ្ជកម្ម​បាន​និយាយ​នៅក្នុង​សេចក្តីថ្លែងការណ៍​ថា ភាគី​ទាំងពីរ មានការ​ពិភាក្សា​ដោយស្មោះ​ត្រង់ និង​មាន​សារសំខាន់​លើ​បញ្ហា​ជាច្រើន ទាក់ទង​ទៅនឹង​ទំនាក់ទំនង​ពាណិជ្ជកម្ម​ចិន​-​អាមេរិក រួមទាំង​បរិយាកាស​ទូទៅ​ក្នុងប្រទេស​ទាំងពីរ​សម្រាប់​ពាណិជ្ជកម្ម​និង​ការវិនិយោគ និង​វិស័យ​នានា​សម្រាប់​កិច្ចសហប្រតិបត្តិការ​ដ៏​មាន​សក្តានុពល​។​

​សេចក្តីថ្លែងការណ៍​និយាយថា លោកស្រី​រដ្ឋមន្ត្រី Raimondo បានលើកឡើង​ពី​ការព្រួយបារម្ភ​ផងដែរ អំពី​សន្ទុះ​នាពេល​ថ្មីៗ​នេះ របស់​សាធារណៈរដ្ឋ​ប្រជា​មា​និត្យ​ចិន ដែលមាន​សកម្មភាព​ប្រឆាំងនឹង​ក្រុមហ៊ុន​របស់​សហរដ្ឋអាមេរិក ដែល​កំពុង​ធ្វើ​ប្រតិបត្តិការ​ក្នុងប្រទេស​ចិន​៕